Ifiijan 4:11 - Di Jamiekan Nyuu Testiment

¹¹ A im siem wan tek som a im piipl dem mek dem ton apasl. Im mek som ton prafit an im sen som fi go roun an priich di gud nyuuz. Im mek som ton paasn an tiicha.

Ifiijan 4:11 ပူးပေါင်းရင်းမြစ်များ

Matyu 28:20

Gwaan go tiich dem fi lisn an fala aal a di ruul dem we mi gu'unu. An memba, mi no lef unu non at aal, mi de wich paat unu de til taim don.”

Aks 13:1

Nou yu did av som prafit an som tiicha mongks di biliiva dem we did de a Antiyak: man laik Baanabas, Simiyan we dem kaal Naiga, Luushos fram Sairiin, Manoyen (im an Erad di ruula a did gud gud fren fram dem a pikni) an Saal.

Aks 20:28

An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

Aks 21:8

Di neks die wi lef an go a Sesuriiya an go tan a Filip yaad. Im a did wan a di man dem we priich di Gud Nyuuz, an wan a di sevn man dem we di biliiva dem iina Jeruusilem did pik fi luk aafa di uman dem uufa ozban did ded.

Ruoman 12:7

Ef Gad gi dem di powa fi sorv, den dem fi sorv. Ef im gi dem di powa fi tiich den dem fi tiich.

1 Korintiyan 12:4

A nof difrant sitn di Uoli Spirit mek wi kyan du bot wi fi memba se a di siem Spirit mek wi kyan du aal a dem.

Ifiijan 2:20

Unu komiin laik wan bildin. Jos laik ou bildin mek pan foundieshan, a siem so unu av wan foundieshan. Fi unu foundieshan a di apasl an prafit dem. An Krais Jiizas a di rakstuon we uol di bildin tugeda.

Ifiijan 3:5

Gad neehn shuo da siikrit ya tu piipl bifuo nou. Bot iina dem taim ya, im mek di Uoli Spirit tel im piipl dem we im pik fi bi im apasl an prafit dem bout di siikrit.

Ifiijan 4:8

A dat mek it rait dong iina Gad wod se: “Wen im go op a di ai ai plies, im tek di piipl we a prizna an mek dem fala baka im an im gi nof gud sitn tu piipl.”

2 Timoti 4:5

Bot yu si yu Timoti, yu afi kanchuol yuself iina evriting. Yu a-go fies nof chobl bot yu mos push chuu it an gwaan priich Gad wod. An kaaz yu a Gad sorvant yu mos du aal di wok we im gi yu fi du.

Iibruu 5:12

Kaaz wen unu shudaana tiich ya nou, unu niid sumadi fi tiich unu uova di fos sitn dem we Gad se. Unu ton piipl we niid milk; unu kyaahn nyam aad fuud!

Juud 1:17

Mi fren, unu fi memba wa wi Laad Jiizas Krais apasl dem did tel unu.

Revilieshan 18:20

Evribadi iina evn, unu fi api siek-a wa apm tu ar! Aal a Gad piipl, im apasl an prafit, unu fi api! Kaaz Gad joj ar an ponish ar fi aal wa shi du unu.’ ”

Revilieshan 21:14

Di waal a di siti did bil op pan twelv big big stuon. An evri wan a di stuon dem did av di niem fi wan a di Biebi Shiip twelv apasl dem rait dong pan it.