Ifiijan 4:1 - Di Jamiekan Nyuu Testiment

¹ So den, mi we de a prizn kaaz mi a sorv di Laad, a beg unu — unu we Gad pik fi bi im piipl; mi a beg unu fi liv ou Gad waahn unu fi liv.

Ifiijan 4:1 ပူးပေါင်းရင်းမြစ်များ

Aks 9:31

Den di choch dem we did iina Judiya, Gyalalii, an Samieriya get a briek fram di sofarieshan we dem did a go chuu fi a wail. Di choch gruo muor an muor kaaz dem di a du we de Laad waahn dem fi du an di Uoli Spirit did a wok wid dem.

Ruoman 11:29

Gad naa go chienj im main bout di piipl we im did pik an im naa go tek bak di gif dem we im gi dem.

Ruoman 12:1

So den breda an sista, sins Gad gud an kain tu unu nof nof, mi a beg unu du, gi op unu laif tu Gad laik wan sakrifais — wan sakrifais we alaiv, we de de fi sorv Gad an we Gad kyan api wid. Dat a ou unu fi worship Gad.

1 Korintiyan 4:16

So mi a beg unu, liv unu laif laik ou unu si mi a liv fi mi uon.

2 Korintiyan 10:1

Som piipl se mi saaf wen mi de de mongks unu bot gwaan laik mi rof wen mi de faar. Bot mi, Paal, mi a beg unu, iina Jiizas niem, Jiizas we kain an jengkl,

2 Korintiyan 5:20

So wi a taak fi Krais Jiizas, an a laik se Gad a yuuz wi fi beg unu fi lisn tu wa wi a se. An sins wi a taak fi Krais Jiizas, wi a beg unu fi mek Gad put tingz rait bitwiin unu an im.

2 Korintiyan 6:1

So sins wi wok wid Gad, wi a beg unu, im so gud an kain tu unu, no mek it kom tu notn, no bada wies it.

Gyalieshan 4:12

Mi a wan Juu an mi naa fala di Laa — mi komiin jos laik unu we a no Juu. So breda an sista mi a beg unu, du laik mi an no bada fala di Laa. Unu neva du mi notn rang bifuo.

Ifiijan 2:10

A Gad mek wi tan ou wi tan. Gad mek wi an Jiizas wan, so wi kyan du di gud sitn dem we im did plan fi wi du fram wie bak wen.

Ifiijan 3:1

Krais Jiizas mek mi, Paal, im prizna, so mi kuda priich tu unu we a no Juu.

Ifiijan 4:17

So, lisn nou! Mi a Gad sorvant so mi av di rait fi tel unu wa unu fi du. Unu no fi liv no muo laik di piipl dem we no nuo Gad. We dem piipl de main tel dem fi du no mek no sens.

Ifiijan 4:4

Aal a wi a wan badi an a onggl wan Uoli Spirit de, we liv iina wi. Gad kaal aal a wi tu im di siem wie. An aal a wi we Gad kaal a luk fi get di siem sitn fram im we im kaal wi fa.

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

Filipiyan 1:27

So mek shuor se unu liv ou di Gud Nyuuz bout Krais Jiizas se unu fi liv. Da wie de weda mi kom luk fi unu, ar mi no kom, mi wi ier se aal a unu a tan op chrang tugeda fi di siem ting an a fait fi wa unu biliiv bout di Gud Nyuuz.

Filipiyan 3:14

Mi a push aad fi go chuu an finish di ries an fi get di sitn dem we Gad pudong iina evn fi mi, kaaz a dat Gad kaal mi fi chos Krais Jiizas fa.

Koloshan 1:10

An a so kom unu wi kyan liv laik Gad piipl an eva du di sitn dem we wi mek im api: Unu wi du aal kain-a gud sitn, an get fi riili nuo Gad muo an muo tu.

Koloshan 2:6

Sins unu tek Krais Jiizas fi unu Laad, unu fi liv laik sumadi we kluos tu im.

Koloshan 4:12

Epafras, we kom fram mongks unu, an we a wan a Krais Jiizas sorvant dem, im se oudi tu. Im eva a prie fi unu wid aal a im aat. Im prie se unu wi tan op chrang iina Gad an no tap chos iina im. Im prie se unu wi biliiv iina Gad so til nobadi kyaahn mek unu tap chos iina im. An im prie aad se unu wi nuo fi shuor wa Gad waahn unu fi du an fi biliiv.

1 Tesaluoniyan 2:12

Wi gi unu gud wod, wi gi unu chrent an wi kip aan a beg unu fi liv laik Gad piipl. Kaaz a im kaal unu iina fi im kindom an kaal unu fi kom nuo ou big an powaful im bi.

2 Tesaluoniyan 1:11

A dat mek wi kip aan a prie fi unu. Wi prie se Gad wi mek unu gud inof fi di kain-a laif we im kaal unu fa. An wi prie se Gad wi elp unu so dat wid fi im powa unu wi du aal a di gud sitn dem we unu waahn fi du, an unu wi du dem tu kaaz unu biliiv iina im.

2 Timoti 1:9

Gad siev wi an pik wi fi bi im piipl. A no kaaz a notn we wi du mek im du dat. Gad pik wi kaaz im did plan fi gud an kain tu wi. Wie bifuo taim im di plan fi shuo wi lov iivn duo wi no dizorv it an sen Krais Jiizas fi siev wi.

Taitos 2:10

ar tiif fram dem. Dem fi anis an shuo di piipl dem se dem kyan chos dem. Wen dem du dis, piipl wi luk pan dem an rispek wa wi tiich bout wi sievya Faada Gad.

Iibruu 13:21

wi gi unu aal a di gud sitn dem we impuotant fi go du wa im waahn unu fi du. Mi prie tu se im wi mek wi ton aal a wa im waahn wi fi ton. An dis wi apm kaaz im wi mek Krais Jiizas du dat. Di piipl dem fi priez Krais Jiizas fi eva an eva an lif im op. Iemen.

Iibruu 3:1

So mi breda an sista we bilang tu Gad, an we im kaal jos laik ou im kaal mi, unu fi kip unu main pan Jiizas. Im a di mesinja we Gad sen wi, an di liida fi di priis dem we go tu Gad fi wi, siek-a wa wi se wi biliiv iina.

1 Piita 2:11

Mi fren, mi a beg unu du, laik ou unu a farina pan ort, we a-go de ya fi nou mongks chrienja, no bada du wa di badi waahn — di badi a waar wid di suol.

1 Piita 3:9

Wen sumadi du unu sopm, unu no fi du dem bak notn. An wen dem kos unu out, no bada kos dem aaf; insted-a dat unu fi aks Gad fi bles dem kaaz Gad kaal unu fi bles unu.

1 Piita 5:10

Bot afta unu sofa likl, di Gad we lov unu so til, we no uol bak non a im lov fram unu, im sed wan we kaal unu fi enjai im powa we kyaahn don, kaaz unu a fala Krais Jiizas — im a-go fiks bak evriting fi unu agen, an di chos unu chos iina im, im a-go mek dat chrang chrang. Im a-go mek unu aat chrang tu, so unu kyan anggl di sofarieshan. An im a-go mek shuor se unu tan op chrang iina im no mata ou rof it mait-a get.

2 Piita 1:3

Im tek fi im uona powa an gi wi evriting we wi niid fi liv di kain-a laif we im waahn wi fi liv. An dis apm onggl kaaz wi lorn muo an muo bout im. Im a di wan we kaal wi fi shier iina uu im bi — wid aal a im powa an di priez an ana we piipl gi im.

2 Jan 1:5

Mi a beg yu mam, mek aal a wi lov wi wan aneda. Wa mi a rait yu a no wan nyuu laa, a di siem laa wa wi did get fram di staat.