Ifiijan 3:1 - Di Jamiekan Nyuu Testiment

¹ Krais Jiizas mek mi, Paal, im prizna, so mi kuda priich tu unu we a no Juu.

Ifiijan 3:1 ပူးပေါင်းရင်းမြစ်များ

Koloshan 1:24

Rait ya nou, mi api se mi a sofa fi unu. Mi a sofa laik ou Krais Jiizas did sofa, so mi kyan go chuu aal a we mi fi go chuu. Di sofarieshan mi a go chuu a fi mek gud sitn apm tu di choch, Krais badi.

Ifiijan 4:1

So den, mi we de a prizn kaaz mi a sorv di Laad, a beg unu — unu we Gad pik fi bi im piipl; mi a beg unu fi liv ou Gad waahn unu fi liv.

2 Timoti 1:8

So no shiem fi tel di piipl dem bout Gad. No shiem fi se yu nuo mi niida, jos chuu dem fling mi iina jiel kaaz mi sorv Gad. Yuuz di powa we Gad gi yu. Sofa wid mi an gwaan tel di piipl bout Gad.

Ifiijan 6:20

kaaz a dat Krais Jiizas pik mi an mek mi wan a im apasl fa. An a dat dem lak mi op iina prizn fa. So prie se mi wi priich di Gud Nyuuz di wie ou mi fi priich it an no fried a notn.

Failiiman 1:9

Bot siek-a ou yu lov Gad piipl mi a beg yu insted. Mi, Paal, wan oul man an we nou iina prizn kaaz mi tiich bout Jiizas.

Filipiyan 1:7

Mi nuo se it aarait fi mi tingk da wie ya bout aal a unu, kaaz mi lov unu an aal a unu elp mi wen mi did a tan op an a difen di Gud Nyuuz, weda mi did lak op iina prizn ar mi did frii. Aal a unu tek paat iina di gud sitn we Gad gi mi fi du, iivn duo wi no dizorv it.

Failiiman 1:1

Mi gud gud fren Failiiman we wok wid mi, dis a Paal we de iina prizn kaaz mi tiich bout Jiizas. Mi an wi breda Timoti a rait da leta ya tu: yu,

Aks 23:18

So im kyari im tu ed fi touzn suoja an se tu im se, “Di prizna we niem Paal kaal mi an aks mi fi kyari da yuut man ya tu yu kaaz im av sopm fi tel yu.”

Luuk 21:12

“Bifuo aal dem sitn ya apm, dem a-go grab unu an diil wid unu bad. Dem wi tek unu an an unu uova tu di liida dem fi di Juu dem choch an sen unu go a prizn. Dem a-go kyari unu go infronta king an liida, kaaz unu fala mi.

Failiiman 1:23

Epafras we iina prizn jos laka mi kaaz im tiich bout Jiizas, sen oudi fi yu.

Aks 26:29

So Paal ansa se, “Mi prie Gad se no onggl yu bot aal uu a lisn mi tide wuda ton jos laik mi, weda iina no taim ar aal ef it tek lang. A onggl wan ting mi no waahn, mi no waahn unu fi chien op laik mi.”

2 Timoti 1:16

Mi prie se Gad wi gud an kain tu Onisiforos an im fambili. Kaaz im neva shiem fi kom luk fi mi iina jiel an fi mek mi aat api.

Koloshan 4:18

Dis a mi, Paal. Mi a rait an tel unu oudi wid mi uona an. Memba se mi chien op iina jiel. Mi prie se Gad wi lov unu iivn duo wi no dizorv it.

Koloshan 4:3

An beg unu du, prie fi wi tu. Prie se Gad wi klier di wie, so wi kyan pred di siikrit mesij bout Krais Jiizas — di mesij we nobadi neehn nuo bout. A siek-a da mesij ya dem chien mi op an av mi a prizn ya-so nou.

2 Korintiyan 11:23

Dem a Krais Jiizas sorvant? (Mi a taak laik wan riil madman nou.) Mi a muor Krais sorvant dan dem. Mi wok aada dan dem. Mi get lak op iina prizn nof muor taim dan dem. Mi get nof muor biitn dan dem an a nof taim mi aalmuos ded.

2 Korintiyan 10:1

Som piipl se mi saaf wen mi de de mongks unu bot gwaan laik mi rof wen mi de faar. Bot mi, Paal, mi a beg unu, iina Jiizas niem, Jiizas we kain an jengkl,

Aks 21:33

Den di ed fi touzn suoja kom an ares im an aada di ada suoja dem fi tai im op wid tuu chien. Den im aks a uu da man ya an a wa im du.

Revilieshan 2:10

No fried a di sitn dem wa unu bout fi sofa. Mi a tel unu, di devl a-go fling som a unu iina prizn fi tes unu. An unu a-go sofa fi ten die. Bot unu fi tan op chrang an chos mi siem wie, iivn ef dem mek op dem main fi kil unu. Kaaz siem laik ou wan rona get wan medal wen im win wan ries, mi wi gu'unu laif fi fu'unu praiz.

Ifiijan 3:13

So, mi a beg unu, no bada fiil bad an fiil laik se unu waahn fi gi op, siek-a ou mi a sofa. No du dat, kaaz wa mi a sofa a fi unu uona gud.

Gyalieshan 5:11

Nou breda an sista, ef mi did a priich se piipl mos sorkomsaiz stil, unu tingk se di Juu dem wuda stil a mek mi sofa aal nou? Ef mi did a priich dat insted-a priich bout ou Jiizas ded pan di kraas fi wi, dem wudn beks no muor, kaaz mi wuda a du wa dem waahn.

Gyalieshan 5:2

Unu lisn mi gud! Mi, Paal, a tel unu se ef unu go mek dem sorkomsaiz unu, notn we Krais Jiizas du a-go wot notn tu unu at aal.

Aks 9:15

Bot di Laad se tu Ananaiyas se, “Gwaan! Kaaz mi pik da man ya fi sorv mi. Mi pik im fi go tel piipl bout mi, piipl we a no Juu, di king dem an di Izrel piipl dem tu.

2 Korintiyan 1:6

So ef wi sofa, wi a sofa kaaz wi waahn fi elp unu an wi waahn unu fi kip chrang. An ef wi get elp, unu wuda a get elp tu. Kaaz unu wi nuo se wen unu a sofa laik wi, fi unu elp wi kom. An dat wi mek unu gwaan kip chrang wen chobl tek unu.

Gyalieshan 5:24

Di piipl dem we bilang tu Jiizas Krais no mek dem badi ruul dem. Dem no du di wikid sitn dem we dem badi wel waahn du, dem tap dem sitn de. It komiin laik se dem niel dem op pan di kraas an kil dem.

Ifiijan 3:8

Iivn duo mi no impuotant laik di res a Gad piipl dem, Gad shuo mi lov iivn duo mi no dizorv it an pik mi fi priich tu di piipl dem we a no Juu an fi tel dem bout di nais sitn dem we Krais Jiizas gi im piipl. Dem sitn de so big dat nobadi kyaahn figa dem out.

Ifiijan 3:11

A so Gad did plan it fi apm fram wie bak wen, an im mek Krais Jiizas wi laad mek it apm siem laik ou im did plan it.