Ifiijan 2:2 - Di Jamiekan Nyuu Testiment

² Dem taim de unu yuus tu du di wikid sitn dem we di worliyan dem du. Unu yuus tu fala di wan we ruul an av powa iina di skai, di spirit we a wok iina di piipl dem we ton we fram wa Gad waahn dem fi du.

Ifiijan 2:2 ပူးပေါင်းရင်းမြစ်များ

Matyu 11:19

Di Man we Gad Pik kom a nyam an a jringk, an dem se, ‘Luk ya, da man ya krievn an im a jongkad. Fi im fren dem a taks kalekta an sina!’ Di piipl we fala di rait wie pruuv se Gad waiz an im wie rait.”

Matyu 13:22

Di wan we jrap iina makabush, a uu ier Gad wod bot im staat fret bout laif, an aal im kyan tingk bout a ou fi mek moni an get rich. Dem sitn de blak Gad wod, so it no du notn difrant iina dem laif.

Matyu 13:38

Di fiil — a di worl, an di gud siid dem a di piipl we bilang tu Gad kindom. Di wiid dem, dat a di piipl dem we bilang tu di Wikid wan,

Maak 4:19

bot chuu dem a fret bout laif, chuu aal dem kyaahn tingk bout a ou fi mek moni an get rich, an chuu dem waahn muo an muo tingz, dem sitn de blak Gad wod, so it no du notn difrant iina dem laif.

Luuk 16:8

“Iivn duo di manija did tiif, di maasta big im op kaaz im did sumaat. Di piipl we bilang tu da worl ya, sumaata wen dem a diil wid dem wan aneda, dan Gad piipl.

Luuk 22:31

“Saiman, Saiman, Sietan aks fi sib unu chuu chriena laik flowa.

Jan 12:31

A di taim nou wen Gad gweehn joj di piipl dem we iina di worl; a nou di ruula fi da worl ya gweehn get fling out.

Jan 13:2

Sopa did a sorv, an di devl did don put it iina Juudas, Saiman bwai pikni, aat fi sel out Jiizas.

Jan 13:27

An siem taim Juudas tek di bred so, Sietan tek uova im aat. “Mikies an du we yu bout fi du,” Jiizas se tu im.

Jan 14:30

Mi naa go taak tu unu fi moch langga, kaa di ruula fi da worl ya de pan im wie a kom. Im no av no powa uova mi.

Jan 15:19

Ef unu did komiin laka di piipl dem iina di worl, dem wuda lov unu laka ou dem lov dem uona piipl. Bot unu no komiin laka di piipl iina di worl, kaa mi pik unu out fram mongks dem. A it mek dem iet unu.

Jan 16:11

An dem rang bout ou Gad joj piipl, kaa di wan we ron tingz iina di worl, Gad rait im aaf aredi.

Jan 7:7

Di piipl dem iina di worl kyaahn iet unu, bot dem iet mi kaa mi tel dem se wa dem du wikid an bad.

Jan 8:23

Bot Jiizas gwaan taak an im se tu dem se, “Unu kom fram dong a batam ya; mi kom fram evn op a tap. Unu kom fram da worl ya; mi no kom fram ya.

Jan 8:44

Unu bilang tu unu faada, di devl, an unu waahn fi du di sitn dem we unu faada waahn unu fi du. Im did a mordara fram di staat, an na'av notn fi du wid di chuut, kaa im no se ar av notn fi du wid di chuut. Wen im tel lai, im jos a taak ou im tan, kaa im a laiyad an im a di faada fi aal lai.

Aks 19:35

Di man we inchaaj fi tel di piipl iina di siti bout notn impuotant we di liida dem mek op dem main fi du ar se, im get di kroud fi sekl dong. Den im se tu dem se, “Efisos piipl, uu out de no nuo se a wi inchaaj fi tek kier a di ous fi di powaful Aatimis an ar stuon we jrap fram evn we wi worship?

Aks 5:3

Den Piita aks im se, “Ananaiyas, ou kom yu mek Sietan tek kanchuol a yu an mek yu lai tu di Uoli Spirit? Yu kip bak som a di moni fi yuself, an kom a gwaan laik se yu a gi evriting?

Ruoman 12:2

No mek di piipl we de iina di worl tel unu ou fi liv. Insted-a dat mek Gad chienj di wie ou unu tingk so dat im kyan chienj di wie ou unu a liv. Da wie de unu wi nuo aal a wa Gad waahn unu fi du — unu wi nuo we rait, unu wi nuo wa mek Gad api an unu wi nuo ou im waahn unu fi liv.

1 Korintiyan 5:10

Wen mi se so mi neva did a taak bout di piipl dem we no biliiv iina Gad. A chuu se som a dem piipl de tek paat iina seks sin an som a dem griidi. Som a di piipl we no biliiv iina Gad, tiif ada piipl sitn dem an som a dem worship aal kain-a faalz gad. Bot ef a did dem mi did a taak unu kudn liv no we — unu wuda afi lef da worl ya.

1 Korintiyan 6:11

An a dem de kain-a piipl som a unu yuus tu bi. Bot Gad did wash unu an mek unu kliin. Im sen im Uoli Spirit fi taak tu unu aat so dat unu an wi Laad Jiizas Krais kuda ton wan. An wen unu ton wan, im tek we unu sin.

2 Korintiyan 4:4

Dem no biliiv kaaz di devl we ruul da worl ya, blain dem so dat dem kyaahn si di lait. Im blain dem so dat dem kyaahn andastan di Gud Nyuuz bout Krais Jiizas. Im mek it so dat dem kyaahn andastan se Jiizas a jos laik Gad.

Gyalieshan 1:4

Jiizas gi op im laif fi siev wi fram wi sin dem an fi frii wi fram aal a di wikid sitn dem we a apm nou. A dat Faada Gad did waahn im fi du an so a dat im du.

Ifiijan 1:21

Fram im ai pozishan wich paat im sidong iina evn, Krais Jiizas ruul uova evri spirit we av powa fi ruul iina dem taim ya an iina di worl we a kom.

Ifiijan 2:11

“Piipl we no sorkomsaiz,” a dat di Juu dem kaal piipl we neva baan Juu. Di Juu dem kaal demself “piipl we sorkomsaiz,” kaaz fi dem faada sorkomsaiz dem wen dem sumaal, fi shuo se dem a Gad piipl. So memba

Ifiijan 2:13

Bot, siek-a Jiizas Krais blod, unu we did de faar fram Gad no de faar agen.

Ifiijan 2:3

Matarafak, aal a wi yuus fi liv laka dat wan taim. Wi did a liv onggl fi wa wi badi waahn an fi di rang sitn dem wa wi main tel wi fi du. Wi did komiin jos laik evribadi els we fi get joj an ponish fi dem sin.

Ifiijan 4:17

So, lisn nou! Mi a Gad sorvant so mi av di rait fi tel unu wa unu fi du. Unu no fi liv no muo laik di piipl dem we no nuo Gad. We dem piipl de main tel dem fi du no mek no sens.

Ifiijan 4:22

Unu lorn se unu fi don we wid di uol laif we unu yuus tu liv an aal a di woklis sitn dem unu yuus tu du, wen unu neva did a fala Jiizas. Dem taim de, unu did lov di wikid sitn dem we onggl did a mash op unu laif.

Ifiijan 5:6

Unu no fi mek nobadi chrik unu wid wod we no mek no sens. Gad beks wid piipl we taak dem sitn de, an im gweehn ponish aal a uu chat fuulinish an no du we im se.

Ifiijan 5:8

Wan taim, unu did a liv iina di daak laik piipl we no nuo Gad. Bot nou dat unu ton di Laad pikni, unu no iina daaknis agen, unu iina lait. So nou, unu mos liv laik piipl we de iina di lait,

Ifiijan 6:12

Kaaz wi iina wan fait, bot a no naamal sumadi wi a fait gens. Nuo! Wi a fait gens som wikid spirit iina di skai we av di powa an di rait fi ruul iina da taim ya we daak laik nait.

Koloshan 1:21

Wan taim unu did faar fram Gad. A bier wikidnis unu yuus tu tingk bout an du, an dat did mek unu an Gad ton enimi.

2 Timoti 4:10

Kaaz Diimas gaan lef mi an gaan dong a Tesalonaika, kaaz im lov da worl ya. Kresens gaan a Gyaliesha an Taitos gaan a Dalmatiya.

Jiemz 1:27

Di kain-a wok we gud an kliin iina Faada Gad yai a dis: elp di pikni dem uufa faada an mada dem ded an we a sofa, an di uman dem we ozban ded an we a sofa tu, an kip we fram di wikid sitn dem we iina di worl.

Jiemz 1:7

Sumadi laik dat no fi bada tingk se di Laad a-go gi im notn at aal.

Jiemz 4:4

Unu komiin laik piipl we sliip wid ada piipl waif an ozban! Unu no nuo se piipl we lov di worl iet Gad? So enibadi we mek di worl dem fren mek Gad dem enimi.

1 Piita 1:14

Laik som nais likl pikni we a fala Gad, no bada gi iin tu di bad sitn dem we unu yuus fi lang fa wen unu neehn nuo no beta, an go bak go du dem.

1 Piita 4:3

Unu spen inof taim a du wa di worliyan dem laik fi du. Iina di paas aal wa unu mosn du — a dat unu did lang fi du an galang go du. An unu yuus fi jringk uol iip aal di taim. Unu jringk chrang jringk we jongk unu aaf. Den som a di taim dem, unu an unu fren dem wuda av unu wail paati an jringk an galang wid aal kain-a naasinis. An ef dat neva bad, unu put ada gad uova Gad we av aal powa — wat a wikid wikid sitn!

2 Piita 2:14

Evritaim dem luk pan wan man, ar dem luk pan wan uman aal dem kyan tingk bout a fi go bed wid im ar fi go bed wid ar. Dem eva a luk fi di chaans fi sliip wid sumadi. Dem eva a sin a galang so, laik se dem kyaahn satisfai. An dem pul iin di wiik wan dem iina dem chrap. Dem set iina dem aat fi bi griidi. Bot fi aal a dem sitn ya we dem du — Gad gweehn ponish dem!

1 Jan 3:10

Wi kyan nuo uu a Gad pikni fram uu a di Devl pikni. Enibadi we no du wa rait iina Gad yai, an we no lov dem breda an sista, dem a no Gad pikni.

1 Jan 3:8

Enibadi we sin bilang tu di devl, kaaz fram di worl staat di devl a sin. A dat mek Gad Bwai Pikni kom iina di worl, fi mash op di devl wok.

1 Jan 4:4

Mi pikni we mi lov — unu a Gad pikni, an unu si di wan dem we go gens Gad, unu win dem aredi, kaaz di wan we iina unu muo powaful dan di wan we iina di worl.

1 Jan 5:19

Wi nuo se wi bilang tu Gad an dat di devl kanchuol di uol worl.

1 Jan 5:4

Kaaz wen wi chos iina Jiizas, Gad gi evri wan a wi we a im pikni di powa fi no gi iin tu di wikid sitn dem we iina di worl.

Revilieshan 12:9

Di powaful jragan — di uol siniek we did de bout fram wie bak wen, we dem kaal di devl, ar sietan, we chrik di uol worl fi sin gens Gad, im an im ienjel dem get fling dong a ort.

Revilieshan 13:14

Gad did lou di fos wail animal fi du som powaful sitn fi di sekan wail animal. Siek-a dem sitn de di piipl pan ort did get fuul op. Di sekan wail animal aada di piipl dem pan ort fi mek wan sitn we luk laik di wail animal we did get chap wid di suod bot we did stil liv.

Revilieshan 13:8

Evribadi we liv pan di ort a-go worship di wail animal. Di onggl piipl we naa go worship im a di wan dem we riili a liv. Fi dem niem rait dong bifuo di worl mek iina di buk we di Biebi Shiip av — di Biebi Shiip we did get kil.

Revilieshan 16:17

Ienjel nomba sevn pich out wa iina fi im boul iina di ier, an wan loud vais kom fram Gad chuon we iina Gad ous, it se, “It don.”

Revilieshan 20:2

Im kyapcha di jragan — di siniek we de bout fram wie bak wen, dat a di devl an Sietan — an tai im op fi wan touzn ier.