Ifiijan 2:13 - Di Jamiekan Nyuu Testiment

¹³ Bot, siek-a Jiizas Krais blod, unu we did de faar fram Gad no de faar agen.

Ifiijan 2:13 ပူးပေါင်းရင်းမြစ်များ

Aks 2:39

Wa Gad pramis a fi unu an unu pikni dem an fi aal uu liv faar faar fram ya-so — a fi evribadi we Gad a-go kaal fi bi im pikni.”

1 Korintiyan 6:11

An a dem de kain-a piipl som a unu yuus tu bi. Bot Gad did wash unu an mek unu kliin. Im sen im Uoli Spirit fi taak tu unu aat so dat unu an wi Laad Jiizas Krais kuda ton wan. An wen unu ton wan, im tek we unu sin.

Revilieshan 5:9

An dem sing wan nyuu sang: “Yu gud inof fi tek di ruol op buk an fi bos aaf di chring dem, kaaz yu did get kil. An yu tek yu blod bai piipl fi Gad fram evri chraib an langwij an piipl an konchri.

Aks 26:18

Mi a sen yu tu dem so yu kyan elp dem fi si an kom outa di daaknis an kom iina di lait. An mi a sen yu fi elp dem get frii fram Sietan powa an mek Gad ruul dem laif. Da wie de dem wi ton paat a Gad piipl uufa sin im paadn kaaz dem biliiv iina im.’

Ifiijan 2:12

se wan taim, unu neva nou Krais Jiizas, unu a neva paat a Gad piipl, Izrel, an unu kudn kip kompni wid dem niida. Di diil we Gad mek wid im piipl neehn av notn fi du wid unu. Unu did iina di worl, unu neva did a liv fi notn an unu neva nuo Gad.

Ifiijan 1:7

Jiizas gi op im laif pan di kraas an fi im blod mek wan wie fi frii wi an paadn wi fram wi sin dem. A chuu Gad gud an kain mek dem sopm ya kyan apm.

Gyalieshan 3:28

Unu no plit op no muor. Unu no av piipl we a Juu an piipl we a no Juu ar piipl we a sliev an piipl we frii. It no iivn mata ef unu a man ar uman, aal a unu a wan kaaz aal a unu biliiv iina Jiizas.

2 Korintiyan 5:17

Wen sumadi biliiv iina Krais Jiizas, dem ton wan nyuu sumadi. Dem tap liv di wie dem yuus tu liv bifuo dem biliiv an staat liv difrant.

1 Piita 3:18

Kaaz Krais Jiizas sofa an ded fi di uol a wi sin wans an faraal. Wan man we du onggl wa rait, ded fi aal a uu a sina, fi bring wi tu Gad. Dem kil di badi, bot Gad mek im liv agen iina di Spirit.

Iibruu 9:18

So di fos plan we Gad did mek neehn av no powa widout no blod.

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

Ruoman 8:1

So nou, di piipl we biliiv iina Krais Jiizas an we ton wan wid im, Gad naa go luk pan dem an se dem gilti an mos get ponish.

Aks 22:21

“Den di Laad se tu mi, ‘Gwaan, kaaz mi a-go sen yu faar faar tu di piipl dem we a no Juu.’”

Aks 15:14

Simiyan jos tel wi ou Gad shuo se im kier fi di piipl we a no Juu wen im tek som a dem fi bi im uona piipl.

Jan 10:16

Mi av ada shiip we no iina da shiip pen ya. Mi afi kyari dem iina di pen tu. Dem a-go lisn tu mi vais tu, so den, yu a-go av onggl wan gruup a shiip an onggl wan shepad.

1 Korintiyan 12:13

Wen wi did get baptaiz, Gad gi aal a wi im Spirit an so di uol a wi a wan. It no mata ef yu a Juu ar yu a no Juu, ef yu a sliev ar yu frii, Gad gi aal a wi di siem Spirit.

Ifiijan 1:1

Mi a Paal. Gad pik mi fi bi wan a Jiizas Krais apasl, kaaz a dat im did waahn. Mi a rait da leta ya tu aal a Gad piipl we de iina Efisos an we riili chos iina Jiizas.

Ifiijan 2:2

Dem taim de unu yuus tu du di wikid sitn dem we di worliyan dem du. Unu yuus tu fala di wan we ruul an av powa iina di skai, di spirit we a wok iina di piipl dem we ton we fram wa Gad waahn dem fi du.

Ifiijan 2:6

Gad mek wi kom bak alaiv siem taim wid Jiizas, an mek wi sidong wid Jiizas iina evn so wi kyan ruul wid im, kaaz wi an Jiizas a wan.

Ifiijan 2:10

A Gad mek wi tan ou wi tan. Gad mek wi an Jiizas wan, so wi kyan du di gud sitn dem we im did plan fi wi du fram wie bak wen.