Gyalieshan 6:9 - Di Jamiekan Nyuu Testiment

⁹ So mek wi no get taiyad fi du gud, kaaz ef wi no gi op, wen Gad redi, im wi mek wi riip nof gud sitn.

Gyalieshan 6:9 ပူးပေါင်းရင်းမြစ်များ

Matyu 10:22

An evribadi a-go iet unu kaaz unu fala mi. Bot enibadi we uol aan tait an tan op chrang til di sofarieshan don, Gad a-go siev dem piipl de.

Matyu 24:13

Bot aal uu eng aan an tan op chrang no mata wa, a dem a-go get siev.

Matyu 25:17

Di wan we did av tuu bag mek tuu muo tu.

Matyu 9:19

An Jiizas an im falara dem get op an fala im.

Maak 3:3

So Jiizas se tu di man wid di kripl an se, “Tan op infronta evribadi.”

Luuk 18:1

Den Jiizas tel im speshal falara dem da tuori ya fi shuo dem se dem fi aalwiez prie an no gi op.

Ruoman 2:7

Yu av som piipl we a liv rait an we aalwiez a du gud fi ada piipl. Dem piipl de waahn Gad fi taak gud bout dem. Dem waahn im fi big dem op an mek dem liv fi eva. An a dem de piipl de Gad a-go mek liv fi eva an eva.

1 Korintiyan 15:58

Mi breda an sista tan op chrang an no mek notn mek yu tap biliiv. Mek shuor se unu eva a du di Laad wok sins unu nuo se aal we unu du fi Gad — unu naa du fi notn.

2 Korintiyan 4:1

Gad, chuu im gud an kain, gi wi da wok ya fi du, an so wi naa gi op.

2 Korintiyan 4:16

So iivn duo wi a get uol an wi badi bata-bata fram aal we wi a go chuu, wi no gi op. Evridie Gad mek wi spirit chrangga an chrangga an gi wi di chrent fi gwaan du im wok.

2 Korintiyan 9:6

So dis a wa mi waahn unu fi memba: Di wan we plaant likl bit a siid a-go riip likl bit a sitn, an di wan we plaant uol iip a siid a-go riip uol iip a sitn.

Ifiijan 3:13

So, mi a beg unu, no bada fiil bad an fiil laik se unu waahn fi gi op, siek-a ou mi a sofa. No du dat, kaaz wa mi a sofa a fi unu uona gud.

2 Tesaluoniyan 3:13

Bot breda an sista, unu no fi get taiyad fi du di rait sitn dem.

Iibruu 12:3

Unu fi luk pan Jiizas, luk ou di wikid sina dem chriit im wel bad, bot im uol aan an pres chuu siem wie. Unu fi tingk bout dat so unu no get taiyad an waahn gi op.

Iibruu 12:5

A memba unu no memba wen Gad did taak tu unu kaaz unu a im pikni, an tel unu tingz we mek unu aat chrang? Iihn? “Mi pikni, wen mi ponish unu fi mek unu si se unu du sitn rang, unu no fi tek it laik se a no notn, an no bada gi op kaaz mi rof unu op an set unu chriet,

Iibruu 3:14

Kaaz wi an Krais Jiizas, wi staat wok tugeda ef wi gwaan uol aan an chos iina im no mata wa, laik ou wi yuus tu du wen wi did fos staat biliiv iina im.

Iibruu 3:6

Bot Krais Jiizas, im a Gad Bwai Pikni. Gad put im inchaaj an im tek kier a Gad piipl dem an du wa Gad tel im fi du, jos laka ou wan bwai pikni we aalwiez du we im mada an faada tel im fi du wuda luk aafa dem ous an fambili. An ef wi uol aan chrang an gwaan luk tu Gad laik we wi buos bout aal di wail, den wi a paat a Gad piipl.

Jiemz 5:7

Mi breda an sista, no gi op, jos wiet til di Laad kom. Tingk bout ou wan faama afi wiet lang fi di soma an di spring rien fi mek im fiil gruo.

1 Piita 2:15

Wa Gad waahn a fi unu du wa rait, an da wie de aal a uu no nuo beta an a chat fuulinish wi tap dem naiz.

1 Piita 3:17

Ef unu du sitn gud an sofa — ef a so Gad se it fi go — unu betaraaf dan ef unu du sitn we rang an go sofa.

1 Piita 4:19

So wa mi riili a chrai se a dis: aal uu a sofa kaaz a dat Gad waahn fi dem, dem fi jos gwaan du wa rait. Da wie de, dem a gi Gad aal a dem laif an suol. Yes, a dat dem a gi Gad — di wan we mek dem. Di wan we naa go ton im bak pan dem. An di wan we kip wat-eva pramis im mek tu dem.

Revilieshan 2:17

Aal uu av iez fi ier beta lisn gud we di Uoli Spirit a se tu di choch dem. Enibadi we biit di devl an no gi'iin tu di sitn dem we im waahn dem fi du, mi a-go gi dem som a di fuud we niem mana we sumadi did aid. An mi a-go gi dem wan wait stuon tu wid wan nyuu niem rait pan it. Onggl di sumadi we get da stuon de a-go andastan wa rait pan it.’

Revilieshan 2:3

Unu tan op chrang an no gi op wen chobl tek unu, an unu go chuu nof sofarieshan siek-a ou unu biliiv iina mi. An unu aalwiez fala mi, unu neva get taiyad an gi op.

Revilieshan 2:7

Aal uu kyan ier beta lisn we di Uoli Spirit a se tu di choch dem. Enibadi we biit di devl an no gi iin tu di sitn dem we im waahn dem fi du, mi a-go gi dem di rait fi iit fram di chrii we gi laif, we iina Gad gyaadn we de a evn.