Gyalieshan 6:2 - Di Jamiekan Nyuu Testiment

² Wen sumadi av prablem, unu fi elp dem. Unu fi elp unu wan aneda. Kaaz wen unu du dat unu a du we Krais Jiizas se unu mos du.

Gyalieshan 6:2 ပူးပေါင်းရင်းမြစ်များ

Matyu 8:17

Da wie ya, wa di prafit Aizaiya did se, wuda kom chuu. Aizaiya did se: “Aal a di sitn dem we wi sofa wid, im kom tek dem we, an aal a wi siknis dem, im tek put pan imself.”

Luuk 11:46

Jiizas se, “Unu si aal unu we tiich di Laa — chobl fi unu! Kaaz unu pak op piipl wid luod we dem kyan bieli manij, an unu, unu no iivn lif wan fingga fi elp dem.

Jan 13:34

“Mi a tel unu fi du sopm nyuu — lov unu wan aneda. Sed wie mi lov unu, a so unu fi lov unu wan aneda.

Jan 15:12

“Dis ya a wa mi waahn unu fi du: lov unu wan aneda siem laka ou mi lov unu.

Ruoman 15:1

Nou wi we chrang iina wa wi biliiv, wi fi tek taim wid an elp di wan dem we wiik. Wi no fi jos du di sitn dem we wi waahn an wa wi mek wi api.

Ruoman 8:2

Kaaz di Spirit we riili gi laif an we kaaz wi fi ton wan wid Krais Jiizas, da Spirit de set wi frii. Im set wi frii fram di laa we kaaz piipl fi sin an ded.

1 Korintiyan 9:21

Wen mi de mongks piipl we no fala di laa, mi du wa dem du — mi no miin se mi brok Gad laa yu no, nuo, mi fala Krais Jiizas laa. Bot mi liv laik dem so dat mi kyan win dem uova an elp dem fi biliiv iina Jiizas tu.

Gyalieshan 6:5

Kaaz evribadi mos kyari dem uona luod.

1 Tesaluoniyan 5:14

An breda an sista, wi beg unu fi waan di aiglaz dem we no waahn wok; elp di wan dem we friedi-friedi fi get briev, an elp di wan dem we wiik iina eni kain-a wie tu. An beg unu du, tek unu taim wid evribadi.

Jiemz 1:25

Bot ef nobadi tek a gud luk iina di Laa we rait iina evri wie, an wa set piipl frii, ef im gwaan du wa it se an no figet it — a im a-go get bles.

Jiemz 2:12

Wi mos taak an gwaan laik piipl we di Laa a-go joj. An a di sed Laa a-go set wi frii,

Jiemz 2:8

A gud sitn ef unu fala di Laa we aiya dan eni ada laa, an we rait dong iina Gad wod se, “Unu fi lov unu nieba siem laik ou unu lov unuself.”

1 Piita 2:24

Jiizas — im did fiil uol iip a pien iina im badi fi wi wen im did de pan di kraas siek-a fi wi sin. Im du dat so sin wi no av no muo powa uova wi, an wi kyan liv an du wa rait. An siek-a di sofarieshan we im go chuu: di biit op biit op an di kot op kot op we bata bruuz im, chuu dat yu did get iil.

2 Piita 2:21

Dem wuda betaraaf ef dem neva nuo di rait wie iina di fos plies, dan fi dem nuo it an den go ton dem bak pan wa Gad se wi fi du — di sed mesij we dem did get.

2 Piita 3:2

Mi waahn unu fi memba we Gad prafit dem did se iina di paas. An mi waahn unu memba di sitn dem we Gad se wi fi du tu, we Jiizas Krais gi im apasl dem we de iina fi unu ieriya fi gi unu.

1 Jan 4:21

Gad tel wi se enibadi we lov im mos lov dem breda an sista tu.