Gyalieshan 6:18 - Di Jamiekan Nyuu Testiment

¹⁸ Breda an sista mi prie se wi Laad Jiizas Krais wi shuo di uol a unu lov iivn duo wi no dizorv it. Iemen!

Gyalieshan 6:18 ပူးပေါင်းရင်းမြစ်များ

2 Timoti 4:22

Mi prie se Gad wi tan wid yu an dat im wi shuo yu lov iivn duo wi no dizorv it.

Ruoman 16:20

Suun, Gad we gi piipl piis iina dem aat, wi put Sietan anda yu fut an mash im op. Mi prie se di Laad Jiizas Krais wi shuo unu lov iivn duo wi no dizorv it.

Failiiman 1:25

Mi prie se Jiizas Krais wi Laad wi shuo di uol a unu lov iivn duo wi no dizorv it.

Revilieshan 22:21

Mi prie se di Laad Jiizas wi shuo aal a im piipl lov iivn duo wi no dizorv it. Iemen!

Ruoman 16:23

Gaiyos uu mi a stie wid an iina uufa yaad dem kip choch, sen oudi fi unu. Irastos we kip di moni fi di siti an wi breda Kwaatos sen oudi fi unu tu.

Aks 1:15

Iina dem die de, wen di biliiva dem gyada op fi wan a dem miitn, (bout onjrid an twenti a dem did de de), Piita tan op

Ruoman 1:13

Breda an sista mi waahn unu fi nuo se a nof taim mi mek fi kom si unu bot sopm aalwiez tap mi fram kom. Mi wel waahn fi kom si unu, so dat mi kyan elp di piipl mongks unu fi biliiv an fala Jiizas Krais siem laik ou mi elp di res a piipl dem we a no Juu fi biliiv an fala Jiizas.

Gyalieshan 3:15

Breda an sista, mi a-go yuuz sopm we wi du evridie fi chrai an mek unu andastan wa mi a taak bout. Se tuu piipl mek a diil an di tuu a dem pramis fi du fi dem paat. Nobadi kyan brok da diil de ar ad notn tu it.

Gyalieshan 4:12

Mi a wan Juu an mi naa fala di Laa — mi komiin jos laik unu we a no Juu. So breda an sista mi a beg unu, du laik mi an no bada fala di Laa. Unu neva du mi notn rang bifuo.

Gyalieshan 4:28

So Breda an sista, siem laik ou Aizak baan kaaz a dat Gad did pramis Iebriyam, a siem so wi a Gad pikni kaaz a dat Gad did pramis.

Gyalieshan 6:1

Breda an sista, ef unu fain se sumadi we iina di choch a liv iina sin, unu we a liv ou Gad Spirit se unu fi liv, mos karek dem bot tek taim wid dem. Tek kier so unu no faal iina sin tu.