Gyalieshan 6:17 - Di Jamiekan Nyuu Testiment

¹⁷ Fram nou aan, nobadi fi gi mi no muor chobl kaaz mi av di maak dem pan mi badi we shuo se mi a Gad sliev.

Gyalieshan 6:17 ပူးပေါင်းရင်းမြစ်များ

Aks 15:24

Wi ier se som man fram wi gruup kom a mek chobl fi unu an a chrai fi mes op unu ed wid di sitn dem we dem a tiich, bot wi neva sen dem, ar wi neva gi dem no rait fi du wa dem a du.

2 Korintiyan 1:5

Wi an Jiizas a wan, so wi afi go sofa uol iip siem laik im. Bot jos laik ou wi did afi sofa, a siem so im a-go elp wi an tek kier a wi nof nof kaaz wi an im a wan.

2 Korintiyan 4:10

Evriwe mi go dem mek mi sofa an dem chrai fi kil mi siem laik ou dem di kil Jiizas. Bot mi wi gwaan sofa an priich di Gud Nyuuz so dat piipl wi luk pan mi an nuo se Jiizas alaiv an dat a im a kip wi alaiv.

Gyalieshan 1:7

Dem ada mesij de a no di chuu mesij — a onggl wan chuu mesij de bout. Bot yu av som piipl we a kanfyuuz unu an we waahn fi chienj op di chuu mesij bout Krais Jiizas.

Filipiyan 3:10

Aal mi kier bout a fi nuo Krais Jiizas, an dat di powa we mek im kom bak alaiv wi wok iina mi. Mi waahn fi kyan go chuu eniting we mi afi sofa fi du we Gad waahn mi fi du, siem laik ou Krais Jiizas go chuu we im did sofa fi du we Gad did waahn im fi du. An siem laik ou im ded fi di rait riizn, mi mek op mi main fi ded fi im tu,

Koloshan 1:24

Rait ya nou, mi api se mi a sofa fi unu. Mi a sofa laik ou Krais Jiizas did sofa, so mi kyan go chuu aal a we mi fi go chuu. Di sofarieshan mi a go chuu a fi mek gud sitn apm tu di choch, Krais badi.

Iibruu 12:15

Gad lov wi iivn duo wi no dizorv it, so mek shuor se nobadi no ton dem bak pan wa im du fi dem. An mek shuor se nobadi no galang laik bita ruut we gruo kom ton bita chrii. Dem piipl de wi kom kom mek chobl an brok out wan bag a piipl. Mek shuor se dat no apm.

Revilieshan 13:16

Im aal fuos evribadi, likl an big, rich an puo, uu frii an uu a sliev, fi tek wan maak pan dem rait an ar pan dem farid.

Revilieshan 13:17

So nobadi kudn bai ar sel ef dem no av di maak — dat a di wail animal niem ar im nomba.