Gyalieshan 6:16 - Di Jamiekan Nyuu Testiment

¹⁶ Fi evribadi we grii wid mi — mi prie se Gad wi gi dem piis an dat im wi gud an kain tu dem an aal a im piipl dem.

Gyalieshan 6:16 ပူးပေါင်းရင်းမြစ်များ

Jan 1:47

Wen taim Jiizas si Nataniyel a kom wich paat im de, dis a wa im se bout im, “Ku ya! Da man ya a wan Izrelait fi chuu! Da man ya no tel no lai.”

Jan 14:27

“Mi a lef go we, bot mi a-go mek unu av piis iina unu aat — di kain-a piis we mi av iina fi mi aat. A no di sed kain-a piis yu get fram di worl. No mek unu aat bada unu, an no kech unu fried.

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Ruoman 1:7

So mi a rait da leta ya tu aal a unu iina Ruom we Gad lov an uu im kaal fi bi im piipl. Mi prie se wi Faada Gad an di Laad Jiizas Krais wi shuo unu lov iivn duo wi no dizorv it an gi unu piis iina unu aat.

Ruoman 4:12

An a no jos dem piipl de im a faada fa, Iebriyam a faada tu fi di piipl dem we sorkomsaiz an we biliiv iina Gad laik ou Iebriyam did biliiv iina Gad bifuo im get sorkomsaiz.

Gyalieshan 1:3

Mi prie se wi Faada Gad an wi Laad Jiizas Krais wi shuo unu lov iivn duo wi no dizorv it an gi unu piis iina unu aat.

Gyalieshan 3:29

An ef unu bilang tu Krais Jiizas, den unu a Iebriyam pikni an aal a di sitn dem we Gad pramis fi gi Iebriyam, unu wi get tu.

Gyalieshan 5:16

Mi a tel unu liv unu laif laik ou Gad Spirit se unu fi liv. Da wie de unu naa go gi iin tu sin an du di rang sitn dem we unu eva waahn fi du.

Gyalieshan 5:25

So sins Gad Spirit gi wi laif, mek wi liv ou di Spirit waahn wi fi liv.

Ifiijan 6:23

Mi prie se Faada Gad an wi Laad Jiizas Krais wi elp aal a unu we chos iina im, fi liv iina piis an lov unu wan aneda.

Filipiyan 3:16

Eniwie, mek wi gwaan uol aan pan wa Gad mek wi nuo aredi.

Filipiyan 3:3

Bot a wi a di piipl we riili get sorkomsaiz — no dem. Wi a di wan we worship Gad iina di Spirit, priez Krais Jiizas, an no buos aaf bout uu wi bi.

Filipiyan 4:7

Wen unu du dat, Gad wi gi unu piis iina unu aat an main iina wan wie we unu kyaahn iivn andastan. Im a-go du it so unu no afi wori bout notn, kaaz unu an di Laad a wan.

1 Piita 1:3

Tangks an priez tu di Gad an Faada a wi Laad Jiizas Krais. Im so gud an kain tu wi, im gi wi nyuu laif wen im mek Jiizas Krais ded an kom bak alaiv. Da wie de, wi nuo fi shuor se wi kyan get wa im pramis wi.

Juud 1:2

Mi prie se Gad wi gud an kain tu unu, sekl unu aat, an gi unu nof nof lov.