Gyalieshan 6:13 - Di Jamiekan Nyuu Testiment

¹³ No iivn di wan dem we sorkomsaiz a fala di Laa, bot dem waahn yu fi go get sorkomsaiz so dat dem kyan go brag bout ou dem kaaz yu fi du it.

Gyalieshan 6:13 ပူးပေါင်းရင်းမြစ်များ

Filipiyan 3:3

Bot a wi a di piipl we riili get sorkomsaiz — no dem. Wi a di wan we worship Gad iina di Spirit, priez Krais Jiizas, an no buos aaf bout uu wi bi.

1 Korintiyan 5:6

Unu no fi buosi-buosi. A no gud sopm dat! Unu no nuo se a onggl wan likl bit a yiis yu niid fi mek di uol a di duo swel op?

2 Piita 2:19

Dem pramis se dem a-go frii di piipl dem, bot dem siem wan a sliev — an wikidnis a dem maasta, kaaz di uol a wi a sliev fi eniting we a ruul uova wi.

2 Korintiyan 11:18

Sins nof piipl a brag an buos laik ou di piipl dem iina di worl a buos, mi a-go brag an buos tu.

Matyu 23:15

“Mi se di Laa tiicha an Farisii piipl dem chobl fu'unu! Unu ipokrit unu! Unu kraas uova lan an sii fi chrai chienj wan sumadi fi go fu'unu wie, an wen da wan sumadi de staat worship Gad fu'unu wie, unu mek dem fit fi go el tuu taim muo dan unu!

Matyu 23:3

So unu fi lisn dem an du aal we dem tel unu fi du. Bot no du wa dem du, kaa dem no du wa dem priich se.

1 Korintiyan 3:21

So tap buos bout uu unu a fala, kaaz evriting a fi unu uon.

Matyu 23:23

“A se chobl fu'unu Laa tiicha, an aal unu Farisii — chobl! Ipokrit! Unu gi Gad wan outa evri ten mint, spais laik dil, an ada siiznin laik kyuumin, bot di sitn dem we muo impuotant iina Gad Laa unu no bizniz wid dem de. Im se unu fi chriit piipl fier, unu fi gud an kain tu dem an fi mek shuor se im kyan chos unu kaa unu du wa im se unu fi du, bot unu no pie dem paat a di Laa de no main. A dem paat a di Laa de unu fi fala, bot unu fi stil memba fi du di ada wan dem tu.

Luuk 5:38

Nyuu wain mos put iina nyuu bakl.