Gyalieshan 6:10 - Di Jamiekan Nyuu Testiment

¹⁰ So wen-eva wi av di chaans fi du gud, mek wi du it. Mek wi du gud fi evribadi, wos ef dem a paat a Gad fambili an biliiv iina Jiizas laik wi.

Gyalieshan 6:10 ပူးပေါင်းရင်းမြစ်များ

Iibruu 13:16

An no figet fi du wa gud, an fi shier we unu av, kaaz Gad lov dem kain-a sakrifais de.

1 Tesaluoniyan 5:15

Mek shuor se nobadi no chriit sumadi bad kaaz dat de sumadi did chriit dem bad, bot unu fi aalwiez chrai fi diil wid unu wan aneda gud, an diil wid ada piipl gud tu.

Taitos 3:8

Aal a wa mi jos tel yu, a chuu sopm. An a dat mi waahn yu fi tiich aad aad. Tiich it so dat aal a di piipl we biliiv iina Gad wi mek shuor se dem onggl du gud sitn; dem sitn ya gud an wi elp evribadi.

Matyu 25:40

“An di king a-go ansa bak, ‘Mi tel unu dis, an a chuu mi a taak, di taim dem wen unu weehn du dem sitn de fi wan a mi breda an sista dem we piipl se no wot notn, a laik se a mi unu did dwi'it fa.’

Iibruu 6:10

Gad fier yu nuo. Im naa go figet wa unu du. Im naa figet ou unu shuo umoch unu lov im wen unu elp di breda an sista dem we biliiv iina Gad, an ou unu stil a elp dem.

Ifiijan 2:19

So den, unu a no chrienja an farina no muor. Nou unu a paat a Gad piipl an unu bilang tu Gad fambili.

Jan 12:35

Den Jiizas se tu dem se, “Unu a-go av di lait wid unu fi onggl likl bit langga. Waak wen unu av di lait, bifuo daaknis tek unu uova. Sumadi we a waak iina daaknis no nuo wich paat im a go.

Luuk 6:35

Unu fi lov di piipl dem we iet unu. Du gud tu piipl, len an no ekspek fi get bak notn. Kaaz Gad a-go pie unu bak big taim. Gad kain tu di piipl dem we wikid an we no gi tangks. So wen unu du dis, dat shuo se unu a riili di Muos Ai Gad pikni.

Jan 9:4

Fi az lang az di son a shain, wi mos du di powaful sitn dem we di wan we sen mi waahn wi fi du. Nait a kom wen nobadi kyaahn go du notn.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

Filipiyan 4:10

Mi riili api an mi priez di Laad se unu memba mi agen. Mi nuo se unu aalwiez memba mi, bot unu neva av no chaans fi du we unu did riili waahn fi du fi mi.

Matyu 12:50

Kaaz enibadi we du wa mi Faada iina evn waahn dem fi du, a dem a mi breda, sista an mada.”

3 Jan 1:11

Mi breda, no fala bad kompni. Enibadi we du wa rait kom fram Gad. Enibadi we lov du we rang no nuo Gad.

Koloshan 4:5

Unu fi gwaan laik se unu av sens wen unu roun piipl we a no Krais Jiizas falara. No wies no taim, evri chaans unu get unu fi du dat.

Ifiijan 5:16

Evri chaans unu get fi du sopm gud, du it, kaaz a bier wikid sitn a gwaan iina dem taim ya.

1 Jan 5:1

Enibadi we biliiv se Jiizas a riili di Krais, dem a Gad pikni. An evribadi we lov di Faada lov im pikni tu.

Iibruu 3:6

Bot Krais Jiizas, im a Gad Bwai Pikni. Gad put im inchaaj an im tek kier a Gad piipl dem an du wa Gad tel im fi du, jos laka ou wan bwai pikni we aalwiez du we im mada an faada tel im fi du wuda luk aafa dem ous an fambili. An ef wi uol aan chrang an gwaan luk tu Gad laik we wi buos bout aal di wail, den wi a paat a Gad piipl.

Maak 3:4

Den im aks di piipl, “Wich wan di Laa se wi kyan du pan di Sabat: fi du gud ar fi du bad, fi siev sumadi laif ar fi kaaz sumadi fi ded?” Bot nobadi neva se a wod.

Ifiijan 3:15

A im mek evribadi we de a evn an aal uu de pan ort.

Matyu 5:43

“Unu did ier se Muoziz did rait se, ‘Lov unu nieba’ an ‘Iet unu enimi.’

Matyu 10:25

Fi di falara kom ton laik im tiicha — di falara no waahn muo dan dat, an fi di sliev kom ton jos laik im maasta, di sliev sopuoz fi aarait wid dat. Ef piipl kaal di ed fi di ous ‘Belzibul, di diiman ruula,’ a wich wosa niem dem a-go kaal di res a im fambili dem?

Aks 6:7

Gad mesij bout Jiizas pred muo an muo, an muo an muo piipl biliiv iina Jiizas an wan uol iip a di priis dem biliiv di Gud Nyuuz tu.

Gyalieshan 1:23

Dem did onggl ier bout mi. Dem ier se, “Paal, di wan we mek nof a Gad piipl sofa an we chrai mash op nof choch, chienj im wiez an ton roun nou a tiich di mesij bout Jiizas. Im staat du di siem sitn we im did a chrai fi tap.”

Ifiijan 4:28

Aal uu did a tiif mos tap tiif. Wa dem fi du a wok aad fi wa dem waahn. Da wie de, dem wi av inof fi shier wid piipl we no av notn.

1 Tesaluoniyan 5:21

bot tes evriting. Eng aan pan wa gud,

1 Piita 2:5

So unu fi kom tu di Laad laik stuon we a liv tu. An mek Gad Spirit yuuz unu fi bil op Gad ous. Iina da ous de unu a-go bi wan gruup a priis fi Gad — an fi Gad wan. An unu a-go bon sakrifais we Gad Spirit se unu fi bon, an im wi tek da sakrifais de siek-a wa Jiizas Krais du.

1 Piita 4:17

Kaaz jojment taim kom ya nou; an wi we a Gad piipl, a wi it a staat wid fos. So, a wa a-go apm tu aal a di piipl dem we no biliiv Gad Gud Nyuuz?

3 Jan 1:3

Mi did riili api wen som a di breda an sista dem kom luk fi mi an tel mi ou yu tan op chrang fi di chuut.

3 Jan 1:10

So wen mi kom, mi a-go mek evribadi nuo bout di wikid lai dem wa im a tel pan mi. Bot a no onggl dat im du, im ton we di breda an sista dem we kom a di choch an chriit dem riil bad. An di ada breda an sista dem iina di choch we kain tu di wan dem we a priich Gad mesij, Daiyachrofiiz chriit dem riil torbl tu, an ron dem outa di choch.

2 Korintiyan 2:8

An kaaz mi no waahn im fi gi op, mi a beg unu fi shuo im se unu stil lov im.