Gyalieshan 5:22 - Di Jamiekan Nyuu Testiment

²² Bot Gad Spirit kaaz fi im piipl fi lov evribadi an aalwiez api no mata wa. It kaaz dem fi liv gud wid piipl, no fi lov fait an fi aalwiez tek taim wid ada piipl. Di Spirit mek dem kain an mek dem eva a du gud fi piipl. It kaaz dem fi bi sumadi we piipl kyan chos.

Gyalieshan 5:22 ပူးပေါင်းရင်းမြစ်များ

Matyu 12:33

“Mek wan chrii gud, an di fruut we it bier a-go gud tu; mek wan chrii no gud, an di fruut we it bier naa go gud. Unu kyan nuo bout wan chrii siek-a di kain-a fruut we it bier.

Luuk 13:9

It mait-a bier neks ier! Ef it no bier, den yu kyan chap it dong.’ ”

Jan 15:16

“A no unu pik mi, a mi pik unu an put unu wan said fi bier nof fruut — di kain-a fruut we a-go laas fi eva. Wen dat apm, mi Faada gweehn gu'unu eniting unu aks im fa kaa unu a mi falara.

Jan 15:2

Im brok aaf aafa mi aal a di lim dem we no bier fruut. An im chrim op di lim dem we bier fruut so dat dem kyan bier muo.

Jan 15:5

“Mi a di chrii; unu a di lim dem. Evri lim we a paat a mi — an we mi a paat a — dem bier nof fruut. Unu kyaahn du wan ting widout mi.

Ruoman 14:17

Kaaz Gad Kindom no av notn fi du wid wa piipl iit an jringk ar we dem no iit an jringk. Gad kindom a bout ou piipl liv; ef dem a liv rait, ef dem av piis iina dem aat, an ef dem aat api — an aal a dem sitn de kom fram di Uoli Spirit.

Ruoman 15:14

Mi breda an sista, mi muor dan shuor bout unu, mi nuo se unu a gud piipl, unu nuo evriting we unu sopuoz fi du an unu kyan tiich unu wan aneda.

Ruoman 15:3

Iivn Krais Jiizas neva du di sitn dem we im du fi mek imself api. It rait iina Gad wod dat Jiizas se tu Gad se, “Wen piipl chat bad bout yu an shiem yu, aal we dem se bout yu, dem riili a se bout mi tu.”

Ruoman 15:30

Kaaz aal a wi biliiv iina Jiizas Krais, an siek-a di lov we di Uoli Spirit gi wi, mi a beg unu breda an sista fi prie tu Gad fi mi. Kom prie wid mi an prie aad aad.

Ruoman 6:22

Bot nou, unu frii. Sin no kanchuol unu no muor. Unu a Gad sliev, unu bilang tu im iina evri wie an im kaaz unu fi liv rait. An kaaz unu a liv rait Gad wi mek unu liv fi eva an eva. Dat a we yu get wen yu mek Gad ruul uova yu.

Ruoman 7:4

Breda an sista a siem so it go wid unu wen it kom tu di Laa. Wen Jiizas did ded a laik unu did ded wid im, so di Laa naa no powa uova unu. Gad mek Jiizas kom bak alaiv an nou wi bilang tu im. Wi bilang tu Jiizas an siek-a dat wi a sorv Gad wen wi liv rait.

Ruoman 8:5

Di piipl dem we a liv ou dem badi waahn dem fi liv, dem a mek dem badi kanchuol dem. Dem kyan onggl tingk wa dem badi waahn dem fi tingk. Bot di piipl dem we liv ou di Spirit se dem fi liv, dem a mek Gad Spirit kanchuol dem. Dem tingk ou Gad Spirit se dem fi tingk.

1 Korintiyan 13:13

So nou a chrii tingz lef we wi fi gwaan du: chos iina Gad, gwaan biliiv se im a-go gi wi wa im se im a-go gi wi an fi lov wi wan aneda. Outa aal a dem di muos impuotant wan a lov.

Gyalieshan 5:13

Breda an sista, Gad kaal unu so dat unu kuda frii fram di Juu dem Laa. Bot dat no miin se unu kyan go liv eni ou unu waahn fi liv. Wa unu fi du a sorv an lov wan aneda.

Ifiijan 4:23

Unu lorn ou fi kanchuol unu spirit an unu main fi tingk iina wan nyuu wie.

Ifiijan 5:9

(kaaz di sitn dem we kom fram di lait, a onggl wa gud, rait an chuu).

Filipiyan 1:11

an dat evriting we unu du wi gud fi chuu — a onggl Krais Jiizas kyan mek unu du dem sitn de. Mi a prie fi aal a dat so dat Faada Gad wi get nof rispek an priez.

Koloshan 1:10

An a so kom unu wi kyan liv laik Gad piipl an eva du di sitn dem we wi mek im api: Unu wi du aal kain-a gud sitn, an get fi riili nuo Gad muo an muo tu.

2 Tesaluoniyan 3:2

An prie se Gad wi siev wi fram di wikid an torbl piipl dem, kaaz a no evribadi biliiv iina di Laad.

1 Timoti 3:11

A siem so di uman dem mos liv dem laif so piipl wi rispek dem. Dem no fi susu-susu, lai ar taak bad bout piipl. Insted-a dat dem fi kyan kanchuol demself, no go uova buod wid notn an piipl fi kyan chos dem.

1 Timoti 4:12

No mek nobadi put yu dong kaaz yu yong. Mek shuor yu liv rait so piipl kyan fala yu: lov piipl, chos iina Gad an liv wan kliin laif an no sin.

1 Piita 1:22

Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

1 Piita 1:8

Unu neva si Jiizas yet, bot unu lov im siem wie; an iivn duo unu kyaahn si im nou wid unu yai dem, unu stil biliiv an chos iina im. An no wod no de we kyan mek piipl riili nuo ou glad an api unu bi!

1 Piita 5:12

Silvanos, uu a laik mi breda, we riili chos iina Jiizas, a im elp fi rait da leta ya, so widoutn mek it tuu lang, mi rait fi jos elp unu fi gwaan uol aan pan Gad, an fi tel unu chrang chrang se wa Gad du fi unu riili a shuo se im lov unu bad bad. Tan op chrang iina da lov de.