Gyalieshan 5:17 - Di Jamiekan Nyuu Testiment

¹⁷ Kaaz di rang sitn dem we di badi waahn fi du, di Spirit no waahn dat. An di sitn dem we di Spirit waahn fi du, di badi no waahn dat. Di tuu a dem eva a fait wid dem wan aneda, a so mek unu kyaahn aalwiez du wa unu waahn fi du.

Gyalieshan 5:17 ပူးပေါင်းရင်းမြစ်များ

Matyu 12:30

“Enibadi we no de pan fi mi said, a fait gens mi, an aal a uu naa elp mi gyada, a skyata dem a skyata.

Matyu 16:17

So den Jiizas se tu im se, “Saiman, Juona bwai pikni, yu bles, kaa a no naamal piipl mek yu nuo dat, bot a fi mi Faada we iina evn tel yu dat!

Matyu 16:23

Bot Jiizas ton tu Piita an se, “Gu we fram mi Sietan! Yu dis a blak op mi wie so, kaa yu naa tingk bout di sitn dem we Gad waahn; a onggl wa piipl waahn de pan yu main!”

Matyu 26:41

No sliip. Kip wach an prie so unu no fies notn we wi kaaz unu fi sin. Kaaz iina unu aat unu waahn du wa rait, bot unu a jos piipl an dat mek unu wiik.”

Matyu 5:6

Uu waahn du wa rait iina Gad yai so bad, dat it komiin laik se a ded dem a ded fi onggri an dem chuot jrai laik se dem no jringk waata ou lang, Gad bles unu, kaa unu a-go get unu beli ful

Luuk 22:33

Bot Saiman se “Laad, mi redi fi go wid yu a prizn an fi iivn ded wid yu tu.”

Luuk 22:46

Jiizas aks dem, “Wa mek unu a sliip? Git op an prie man so unu no fies notn we wi kaaz unu fi sin.”

Jan 3:6

Wen biebi baan, a piipl a av piipl, bot Gad, im mek piipl baan iina di Spirit.

Ruoman 8:13

(Ef yu liv ou yu badi wuda waahn yu fi liv, yu mos ded.) Bot ef yu mek di Spirit elp yu, yu kyan tap du di sitn dem we yu badi waahn yu fi du, an den yu wi liv.

Gyalieshan 3:21

Wiet so dat miin se di Laa a go gens Gad Pramis? Nuo sa! Kaaz ef di Laa we Gad gi wi kuda mek wi liv fi eva, den wi wuda a mek tingz rait wid Gad wen wi fala di Laa.

Jiemz 3:2

Aal a wi du rang sitn nof taim. Bot ef sumadi neva se notn rang yet dem no av no sin at aal. Kaaz ef nobadi kyan kanchuol dem tong dem kyan kanchuol dem uol badi tu.