Gyalieshan 5:14 - Di Jamiekan Nyuu Testiment

¹⁴ Wen yu luk pan it, aal di Laa riili a tel unu fi du a fi “Lov unu nieba laik ou unu lov unuself.”

Gyalieshan 5:14 ပူးပေါင်းရင်းမြစ်များ

Matyu 7:12

So, no mata wa unu a du, unu fi chriit piipl ou unu waahn dem fi chriit unu. Dis a we di Laa an di prafit dem did miin.

Maak 12:31

Di sekan muos impuotant Laa a dis: ‘Yu fi lov yu nieba siem laik ou yu lov yuself.’ No ada Laa no muo impuotant laik dem tuu ya.”

Maak 12:33

An yu rait fi se di muos impuotant Laa a fi lov im wid aal yu aat, wid aal a yu main an wid aal a yu chrent, an yu fi lov yu nieba siem laik ou yu lov yuself. Yu rait fi se dem tuu laa de muo impuotant dan wen sumadi bon sakrifais gi Gad ar gi op aafrin.”

Jan 13:34

“Mi a tel unu fi du sopm nyuu — lov unu wan aneda. Sed wie mi lov unu, a so unu fi lov unu wan aneda.

Gyalieshan 1:6

Mi fraitn fi si ou unu kwik fi ton we fram Gad we pik unu an we sen Jiizas fi bi gud an kain tu unu. Unu ton we fram di chuu mesij an staat fala som ada mesij.

Gyalieshan 6:2

Wen sumadi av prablem, unu fi elp dem. Unu fi elp unu wan aneda. Kaaz wen unu du dat unu a du we Krais Jiizas se unu mos du.

1 Timoti 1:5

Mi tel yu fi du dis so di piipl dem kyan lov dem wan aneda wid di kain-a lov we kom fram wan gud aat, we nuo rait fram rang. Wen dem lov dem wan aneda so, dem a ak laik piipl we riili bilang tu Gad.