Gyalieshan 5:12 - Di Jamiekan Nyuu Testiment

¹² Mi wish se di wan dem we a chrai fi kanfyuuz an a tel unu fi go get sorkomsaiz wuda jos go chap aaf aal a fi dem uon.

Gyalieshan 5:12 ပူးပေါင်းရင်းမြစ်များ

Jan 9:34

Wen dem ier dat, dem se tu im se, “Yu ful op a sin fram yu baan. A uu yu tingk yu bi fi a chrai a tiich wi notn?” An dem kik im outa di Juu choch.

Aks 15:24

Wi ier se som man fram wi gruup kom a mek chobl fi unu an a chrai fi mes op unu ed wid di sitn dem we dem a tiich, bot wi neva sen dem, ar wi neva gi dem no rait fi du wa dem a du.

Aks 5:5

Wen Ananaiyas ier dem wod de im jrap dong ded siem taim. An evribadi we ier we apm kech dem fried.

Aks 5:9

Piita se tu ar se, “Mek di tuu a unu mek op unu main fi si ef unu kuda lai tu di Laad Spirit an no get ponish? Luk! Di man dem we beri yu ozban tan op a di duor, an dem a kom fi yu fi go beri yu tu.”

1 Korintiyan 5:13

Gad wi joj di piipl we no biliiv iina im. “Ron di wikid piipl dem fram mongks unu.”

Gyalieshan 2:4

Mi did taak tu di liida dem wan kaaz yu av som piipl we gwaan laik se dem a fala Gad an a siniik kom iin mongks Gad piipl, so dat dem kyan wach dem. Jiizas frii wi kaaz wi an im kluos. So dem a wach wi kaaz wi no afi fala di Juu dem Laa. Dem waahn wi fi fala da Laa de laik se wi a sliev.

Gyalieshan 5:10

Mi biliiv iina Gad, an so mi shuor se unu naa go ton unu bak pan aal we mi tiich unu an go fala wa dem ada piipl de a se. Bot yu si di wan dem we a chrai fi kanfyuuz unu, uu eva dem waahn fi bi, Gad a-go ponish dem.

Taitos 3:10

Ef sumadi iina di choch a kos-kos, gi chobl an a mek ada piipl kwaril an ton gens dem wan aneda, waan im fi tap. Ef im no lisn, waan im agen. Bot ef im no lisn da taim de, no av notn fi du wid im.