Gyalieshan 5:11 - Di Jamiekan Nyuu Testiment

¹¹ Nou breda an sista, ef mi did a priich se piipl mos sorkomsaiz stil, unu tingk se di Juu dem wuda stil a mek mi sofa aal nou? Ef mi did a priich dat insted-a priich bout ou Jiizas ded pan di kraas fi wi, dem wudn beks no muor, kaaz mi wuda a du wa dem waahn.

Gyalieshan 5:11 ပူးပေါင်းရင်းမြစ်များ

Aks 16:3

Paal did waahn Timoti fi go wid im, so im mek Timoti get sorkomsaiz. Im du dis kaaz di Juu dem we did liv iina di ieriya did nuo se Timoti faada a did Griik. Dat miin se Timoti neva did sorkomsaiz.

Aks 21:21

Wel, dem ier se yu a tiich aal a di Juu dem we liv mongks di piipl we a no Juu se dem fi ton we fram we Muoziz tiich, no sorkomsaiz dem pikni, ar liv laik ou Juu fi liv.

Aks 21:28

an staat baal out, “Aal uu a Juu, unu kom elp wi diil wid da man ya! A da man ya a tiich evribadi evriwe fi ton gens wi piipl, wi Laa, an da uoli plies ya! An fi mek it wosa, im aal kyari som Griik piipl go iina di paat a Gad ous we di Laa se onggl Juu fi go, an mek it no uoli no muor.”

1 Korintiyan 1:18

Kaaz di mesij bout ou Jiizas ded pan di kraas fi wi, komiin laik fuulinish tu di wan dem we no biliiv an we a-go go a el. Bot tu wi, di wan dem we siev, it shuo ou Gad powaful.

1 Korintiyan 1:23

Bot yu si wi, wi priich bout ou Krais Jiizas ded pan di kraas fi siev wi. Di Juu dem beks enitaim dem ier da mesij ya an di piipl dem we a no Juu tingk se a fuulinish wi a taak.

1 Korintiyan 15:30

An ef wi kyaahn kom bak alaiv wen wi ded, wa mek wi a tiich Gad wod an a put wi laif iina siiros chobl evridie?

Gyalieshan 2:3

Nou Taitos did de de wid mi an im a wan Griik man — im a no Juu an dem neva fuos im fi get sorkomsaiz.

Gyalieshan 3:1

Unu fuul-fuul Gyalieshan unu! A uu guzum unu? Mi tel unu klier klier tu unu fies ou Jiizas did ded pan di kraas.

Gyalieshan 4:29

Iebriyam bwai pikni Ishmiyel did baan laik ou eni ada pikni baan bot Aizak did baan siek-a Gad Spirit. An siem laik ou Ishmiyel did kaaz Aizak fi sofa a siem so wi we a Gad pikni a sofa nou.

Gyalieshan 6:12

Di wan dem we a chrai fuos unu fi get sorkomsaiz, dem jos waahn fi brag an buos bout demself. Dem a push unu fi get sorkomsaiz so dat dem no sofa. Kaaz dem wuda a sofa ef dem did a tel piipl bout ou Jiizas ded pan di kraas fi siev dem.

Gyalieshan 6:17

Fram nou aan, nobadi fi gi mi no muor chobl kaaz mi av di maak dem pan mi badi we shuo se mi a Gad sliev.