Gyalieshan 5:10 - Di Jamiekan Nyuu Testiment

¹⁰ Mi biliiv iina Gad, an so mi shuor se unu naa go ton unu bak pan aal we mi tiich unu an go fala wa dem ada piipl de a se. Bot yu si di wan dem we a chrai fi kanfyuuz unu, uu eva dem waahn fi bi, Gad a-go ponish dem.

Gyalieshan 5:10 ပူးပေါင်းရင်းမြစ်များ

Gyalieshan 5:12

Mi wish se di wan dem we a chrai fi kanfyuuz an a tel unu fi go get sorkomsaiz wuda jos go chap aaf aal a fi dem uon.

Filipiyan 3:15

So aal a wi we tingk di wie Krais Jiizas waahn wi fi tingk, wi fi gwaan tingk da wie de. Bot ef non a unu no si tingz da wie de, Gad wi shuo unu an mek unu andastan wa mi se.

Gyalieshan 1:7

Dem ada mesij de a no di chuu mesij — a onggl wan chuu mesij de bout. Bot yu av som piipl we a kanfyuuz unu an we waahn fi chienj op di chuu mesij bout Krais Jiizas.

2 Korintiyan 2:3

A so mek mi rait da leta de — mi neva waahn di sed piipl we fi mek mi api, fi mek mi sad. So mi rait unu so unu kuda chienj we niid fi chienj, an da wie de wen mi kom luk fi unu, mi wuda api. Kaaz mi nuo fi shuor se ef mi api unu api tu.

1 Timoti 1:20

Tuu piipl we dis apm tu a Aimeniyos an Aligzanda. Mi ton dem uova tu Sietan so dat dem wi lorn no fi kos Gad.

Gyalieshan 6:17

Fram nou aan, nobadi fi gi mi no muor chobl kaaz mi av di maak dem pan mi badi we shuo se mi a Gad sliev.

Gyalieshan 4:17

Yu si dem piipl de we a chienj op di Gud Nyuuz, dem wel waahn fi win unu uova. Dem waahn unu fi jain dem bot dem no miin unu no gud. Wa dem a chrai fi du a ton unu gens mi, kaaz dem wel waahn unu fi fala dem wid aal a unu aat.

Gyalieshan 3:1

Unu fuul-fuul Gyalieshan unu! A uu guzum unu? Mi tel unu klier klier tu unu fies ou Jiizas did ded pan di kraas.

Gyalieshan 2:6

Di impuotant liida dem iina Jeruusilem (mi no bizniz wid ou impuotant di liida dem bi, kaaz Gad no luk pan dat, im no paashal) — dem neva ad notn tu di mesij we mi priich.

Gyalieshan 2:4

Mi did taak tu di liida dem wan kaaz yu av som piipl we gwaan laik se dem a fala Gad an a siniik kom iin mongks Gad piipl, so dat dem kyan wach dem. Jiizas frii wi kaaz wi an im kluos. So dem a wach wi kaaz wi no afi fala di Juu dem Laa. Dem waahn wi fi fala da Laa de laik se wi a sliev.

2 Korintiyan 10:6

An wen wi si se unu a fala Krais Jiizas iina evri wie, wi wi redi fi ponish enibadi we naa fala wa im se.

1 Korintiyan 5:5

unu fi an uova di wan dem we a du aal kain-a seks sin tu Sietan. An dem uova so dat Sietan kyan mash dem op. Dat a di onggl wie dem wi chienj dem wiez an ton we fram sin. An wen dem ton we fram sin an get siev, Gad naa go ponish dem wen im kom bak fi joj di worl.

Aks 15:24

Wi ier se som man fram wi gruup kom a mek chobl fi unu an a chrai fi mes op unu ed wid di sitn dem we dem a tiich, bot wi neva sen dem, ar wi neva gi dem no rait fi du wa dem a du.

Failiiman 1:21

Yu si chuu mi nuo se yu wuda fala aal we mi se, mi rait yu. Mi rait yu kaaz mi nuo se yu wuda aal du muor dan wa mi aks yu fi du.

2 Tesaluoniyan 3:4

Di Laad mek wi kyan chos se unu a du aal a wa wi tel unu fi du. An im mek wi kyan chos se unu wi gwaan du dat.

Gyalieshan 4:20

Mi wish wid aal a mi aat se mi kuda de de wid unu nou an taak tu unu likl saafa. Kaaz mi kyaahn andastan wa a gwaan wid unu an mi a wori bout unu.

Gyalieshan 4:11

Mi fried fi unu. Yu miin se aal a di wok we mi du — aal di tiich mi did tiich unu — aal a dat a fi notn?

2 Korintiyan 13:10

So mi a rait dem sitn ya tel unu wail mi no de de, so dat wen mi riich, mi no afi taak tu unu rof. Kaaz Gad gi mi di powa an di rait fi karek unu, bot im gi mi da powa de fi elp bil unu op, no fi tier unu dong.

2 Korintiyan 10:2

no push mi fi rof wid unu wen mi kom de fi si unu, laik ou mi shuor se mi afi go rof wid di wan dem we tingk se wi a liv laik di piipl dem we de iina di worl an no nuo Gad.

2 Korintiyan 8:22

Wi no jos sen Taitos an da breda de wan, wi sen wan neda wan a wi breda wid dem tu. Wi tes da breda ya an wi fain se im eva redi fi elp, an nou im waahn fi elp unu iivn muor dan bifuo kaaz im chos unu nof nof.

2 Korintiyan 7:16

Mi aat ful. Mi api kyaahn don. Mi chos unu an mi nuo se mi no afi wori bout unu.

2 Korintiyan 5:16

So den, wi no luk pan piipl an joj dem bies pan ou big ar sumaal dem bi, wi no joj dem laik ou di piipl we no biliiv joj dem. Bifuo wi did biliiv, a siem so wi did luk pan Jiizas Krais an joj im, bot nou wi no du dat no muor.

2 Korintiyan 2:6

Muos a unu did ponish da sumadi de an di ponish we unu ponish im, it inof.

2 Korintiyan 1:15

An kaaz mi did shuor se unu wuda andastan an welkom mi, mi did plan fi kom si unu fos, so dat unu kuda get bles tuu taim,

Gyalieshan 5:7

Unu did a ron so aad an a gwaan so gud! A uu kaaz unu fi tap fala an biliiv iina di chuut?