Gyalieshan 4:6 - Di Jamiekan Nyuu Testiment

⁶ An kaaz di uol a wi a nou im pikni, Gad sen im Bwai Pikni Spirit fi kom liv iina wi aat. An a da Spirit de we kaaz wi fi baal out, “Faada, mi Faada.”

Gyalieshan 4:6 ပူးပေါင်းရင်းမြစ်များ

Maak 14:36

Im se, “Faada, mi faada, notn no de we yu kyaahn du. Siev mi fram dem torbl sofarieshan ya! Bot ef a so yu waahn it fi go, aarait den.”

Luuk 11:13

Ef unu so wikid an stil nuo ou fi gi unu pikni nais sitn, unu no tingk se unu Faada op iina evn wi iivn muo dan redi fi gi di Uoli Spirit tu enibadi we aks im!”

Luuk 11:2

Jiizas tel dem se, “Wen unu prie, unu fi se: “ ‘Faada, mek piipl av nof rispek fi yu an yu niem, Mek di taim kom wen yu ruul iina evri wie.

Jan 14:16

An mi a-go aks mi Faada fi sen wan neda sumadi fi elp unu an de wid unu aal di taim.

Jan 15:26

“Mi a-go sen di Elpa fram di Faada tu unu. Im a di Spirit we shuo piipl di chuu sitn dem bout Gad, an im a di wan we kom fram di Faada. Wen im kom, im gweehn tel piipl bout mi.

Jan 16:7

Bot mi a tel unu fi chuu chuu se dat a fi fu'unu uona gud dat mi a go we. Kaa ef mi no go we, di Elpa naa go kom tu unu. Bot ef mi go we mi a-go sen im kom tu unu.

Jan 3:34

Kaa, di wan we Gad sen kom se aal a wa Gad tel im fi se, kaa yu si, Gad gi'im evri singgl bit a im Spirit.

Jan 7:39

(Nou, wen im se dat de, im did a taak bout di Spirit we di piipl dem we chos iina im wuda get lietaraan. Kaa op tu da taim de, nobadi neva get di Spirit, kaa Jiizas neehn get big op yet.)

Aks 16:7

Wen dem riich a Misiya, dem chrai fi go iina Bitiniya, bot di Uoli Spirit neva lou dem.

Ruoman 5:5

An kaaz wi nuo se Gad a-go gi wi we im pramis, wi no afi wori. Wi no afi wori kaaz wi nuo se Gad lov wi. Im shuo wi umoch im lov wi wen im gi wi di Uoli Spirit.

Ruoman 8:9

Bot yu si unu, unu naa liv ou unu badi waahn unu fi liv. Unu a liv ou di Spirit se unu fi liv, dat a ef Gad Spirit riili de iina unu. Nou di piipl we no av Krais Jiizas Spirit a liv iina dem, dem no bilang tu Gad.

1 Korintiyan 15:45

It aal rait dong iina Gad wod se, “Di fos man, Adam, Gad did afi mek im — Gad did afi gi im laif.” Bot di laas Adam, im a-go bi wan spirit we kyan gi piipl laif.

2 Korintiyan 1:22

Im maak wi fi shuo se wi bilang tu im an gi wi di Spirit iina wi aat so wi wuda nuo se im a-go gi wi aal we im pramis fi gi wi.

2 Korintiyan 3:17

So wen wi chos iina Jiizas Krais an biliiv di Nyuu Mesij, Gad di Faada sen im Uoli Spirit gi wi, an di Uoli Spirit frii wi.

Ifiijan 1:13

An wen unu did ier Gad wod — di chuu mesij we siev unu — wen unu biliiv iina Krais Jiizas, Gad gi unu im Uoli Spirit we im did pramis, fi shuo se unu a fi im.

Ifiijan 2:18

Siek-a Krais Jiizas, di Uoli Spirit mek aal a wi kyan go tu Faada Gad.

Ifiijan 4:30

No du notn fi mek Gad Uoli Spirit afi baal. A im liv iina unu an put im speshal maak pan unu fi shuo se unu bilang tu Gad an se wan die Gad a-go frii unu kaaz a dat im siev unu fa.

Ifiijan 6:18

An evritaim unu a prie, mek di Uoli Spirit liid unu. An no mata wa, no tap aks Gad fi elp unu an aal a im piipl iina evriting. Nou dat unu nuo aal a dem sitn ya, wach out an kip unu yai dem waid uopm aal di taim.

Filipiyan 1:19

Kaaz Jiizas Krais Spirit a elp mi, an kaaz unu a prie fi mi, mi nuo se aal a di sitn dem we apm tu mi a-go wok out so dat mi get frii.

1 Tesaluoniyan 4:8

An enibadi we no du dis, a no jos man dem naa fala bot dem ton dem bak pan Gad — Gad, we gi unu im Uoli Spirit.

1 Piita 1:11

Dem did chrai fi fain out a uu ar a wa taim Krais Jiizas Spirit, we iina dem, did aalwiez a taak bout. Di Spirit tel dem wie bifuo da taim ya se Krais Jiizas did a go sofa. An di Spirit tel dem bout aal a di gud gud sitn dem we a-go apm afta dat tu.

Juud 1:20

Bot unu piipl we mi lov, gwaan mek unuself chrang iina wa unu biliiv, an mek di Uoli Spirit liid unu wen unu prie.

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”