Gyalieshan 4:26 - Di Jamiekan Nyuu Testiment

²⁶ Bot di ada uman, shi tan fi di nyuu Jeruusilem we a-go de iina evn. Shi frii, an a shi a wi mada so wi frii tu.

Gyalieshan 4:26 ပူးပေါင်းရင်းမြစ်များ

Jan 8:36

So ef di Bwai Pikni frii unu, unu frii fi chuu.

Ruoman 6:14

No mek sin kanchuol unu, kaaz unu no afi fala di Laa no muor. Di Laa kyaahn siev unu. Unu get siev kaaz Gad shuo unu lov iivn duo unu neva dizorv it.

Ruoman 6:18

An sins Gad set unu frii fram di powa we sin did av uova unu, unu ton Gad sliev — unu aalwiez du wa rait.

Gyalieshan 4:22

Kaaz it rait dong se Iebriyam did av tuu bwai pikni. Wan a dem mada a did wan sliev bot di neks wan mada did frii.

Gyalieshan 4:25

So nou Iegar tan fi Mount Sainai we de iina Ariebiya. Shi komiin laik Jeruusilem iina dem taim ya, kaaz, siem laik ou Iegar an ar pikni a did sliev, a siem so di piipl dem we liv a Jeruusilem a sliev tu di Laa.

Gyalieshan 5:1

Gad frii wi so dat wi wudn afi fala di Laa. So tan op chrang an no mek notn ar nobadi tek unu ton unu bak iina sliev.

Filipiyan 3:20

Bot evn a fi wi konchri. An a de-so di wan we siev wi de, Jiizas Krais wi Laad, an wi kyaahn wiet fi im kom bak!

Iibruu 12:22

Insted-a dat, unu kom a Mount Zaiyan, di Jeruusilem we de a evn, di siti fi di Gad we mek piipl liv. Unu kom tu wan iip a ienjel we gyada de an we api so til.

1 Piita 2:16

Liv laik piipl we frii, piipl we a no no nobadi sliev. Bot dat no miin se unu fi yuuz dat an du we rang, ar tingk se unu kyan sin an aid it fram nobadi ar get we wid it. Wa unu fi du, a liv laik ou Gad sorvant dem fi liv.

Revilieshan 12:1

Den mi si wan powaful sain iina evn: wan uman we luk laik shi av aan di son — rap roun ar laik ar kluoz, an di muun anda ar fut an wan kroun pan ar ed wid twelv staar.

Revilieshan 17:5

Shi av wan niem rait pan ar farid we nobadi no nuo wa it miin. Di niem se: A MI A POWAFUL BABILAN. MI A DI MUMA FI AAL UOR AN FI AAL KAIN-A SEKS SIN AN NAASINIS IINA DI WORL.

Revilieshan 21:2

Mi si di uoli siti, di nyuu Jeruusilem, a kom dong fram Gad outa evn. It did luk laik wan uman we jres op nais nais fi go a ar wedn fi miit di man we shi a-go marid.

Revilieshan 3:12

Evri wan a unu we biit di devl an no gi iin tu di sitn dem we im waahn unu fi du, mi a-go mek unu komiin laka wan impuotant kalom iina fi mi Gad ous, an unu naa go lef, unu a-go tan de fi eva an eva. An mi a-go rait fi mi Gad niem pan im, an mi a-go rait pan im Nyuu Jeruusilem, we a fi mi Gad siti niem. Da siti de kom fram Gad an a-go kom dong fram evn. An mi a-go rait dong fi mi nyuu niem pan im tu.