Gyalieshan 4:25 - Di Jamiekan Nyuu Testiment

²⁵ So nou Iegar tan fi Mount Sainai we de iina Ariebiya. Shi komiin laik Jeruusilem iina dem taim ya, kaaz, siem laik ou Iegar an ar pikni a did sliev, a siem so di piipl dem we liv a Jeruusilem a sliev tu di Laa.

Gyalieshan 4:25 ပူးပေါင်းရင်းမြစ်များ

Iibruu 12:18

A no laik di Izrel piipl dem wen dem did kech a Mount Sainai, unu no kom a no mountn we unu kyan toch, wich paat faiya a bon at, an di plies daak roun unu; no lait neehn de de an staam a bluo.

Gyalieshan 1:17

an mi neva go a Jeruusilem fi si dem we ton apasl bifuo mi. Di fos ting mi du a go a Ariebiya an afta dat mi go baka Damaskos.

Aks 1:11

an se tu dem se, “Unu man we kom fram Gyalalii, wa mek unu tan op ya-so wid unu yai faasn pan di skai? Da siem Jiizas ya we unu si get tek op fram unu iina evn, im a-go kom bak di siem wie, jos laik ou unu si im go op iina evn.”

Luuk 19:44

Dem a-go mash yu dong tu di grong an kil aaf aal a yu piipl dem. Dem no iivn a-go lef no rakstuon pan tap a wan aneda, kaaz di taim wen Gad kom fi tan wid yu, yu neva nuo.”

Luuk 13:34

“Ai Jeruusilem, Jeruusilem, yu we kil di prafit dem an stuon di wan dem we Gad sen tu unu, mi lang fi gyada yu piipl roun mi, laik ou foul gyada fi ar pikni dem anda ar wing, bot unu neva waahn mi fi dwi'it!

Matyu 23:37

“Ai Jeruusilem, Jeruusilem, yu we kil di prafit dem an stuon di wan dem we Gad sen tu unu, mi lang fi gyada yu piipl roun mi, laik ou foul gyada fi ar pikni dem anda ar wing, bot unu neva waahn mi fi dwi'it!

Gyalieshan 4:24

Nou wi kyan tek wa apm wid Iebriyam tuu bwai an yuuz it fi shuo di tuu pramis dem we Gad mek. Di fos pramis afi du wid di Laa we Gad gi Muoziz op a Mount Sainai. Da pramis ya a laik Iegar. Jos laik ou fi ar pikni a sliev a siem so di piipl dem we a paat a da pramis ya, a sliev tu.

Gyalieshan 4:26

Bot di ada uman, shi tan fi di nyuu Jeruusilem we a-go de iina evn. Shi frii, an a shi a wi mada so wi frii tu.