Gyalieshan 4:24 - Di Jamiekan Nyuu Testiment

²⁴ Nou wi kyan tek wa apm wid Iebriyam tuu bwai an yuuz it fi shuo di tuu pramis dem we Gad mek. Di fos pramis afi du wid di Laa we Gad gi Muoziz op a Mount Sainai. Da pramis ya a laik Iegar. Jos laik ou fi ar pikni a sliev a siem so di piipl dem we a paat a da pramis ya, a sliev tu.

Gyalieshan 4:24 ပူးပေါင်းရင်းမြစ်များ

Gyalieshan 4:25

So nou Iegar tan fi Mount Sainai we de iina Ariebiya. Shi komiin laik Jeruusilem iina dem taim ya, kaaz, siem laik ou Iegar an ar pikni a did sliev, a siem so di piipl dem we liv a Jeruusilem a sliev tu di Laa.

1 Korintiyan 10:11

Aal a dem sitn de we apm tu dem a fi waan wi no fi liv laik dem. An it rait dong iina Gad wod fi waan aal a wi we a liv iina da taim ya wen di worl suun don.

Matyu 13:35

Da wie ya, wa di prafit did se, kom chuu: “Mi wi yuuz tuori we soun laik rigl wen mi de taak, an chat di sitn dem we aid op fram di taim wen di worl did a mek.”

Iibruu 13:20

Gad gi wi piis iina wi aat. Im tek di blod we mek di nyuu plan bitwiin wi an im laas fi eva, an mek di ed shepad fi di shiip dem kom bak alaiv — dat a wi Laad Jiizas Krais. Mi prie se di Gad, we du aal a dem sitn ya

Iibruu 12:24

Unu kom tu Jiizas, di wan we iina di migl we mek di nyuu plan bitwiin Gad an piipl. An unu kom tu im blod, we ron an wash we sin, an da blod de tan fi sitn wie beta dan Iebl blod.

Iibruu 11:19

Iebriyam did don riizn out se, Gad kuda mek ded piipl kom bak alaiv, an iina wan wie a ded Aizak did ded an im get im bak.

Iibruu 7:22

An kaaz Gad aal mek pramis wid Jiizas, dis shuo se Jiizas mek di pramis we Gad gi wi beta dan di uol wan fi shuor shuor.

Gyalieshan 5:1

Gad frii wi so dat wi wudn afi fala di Laa. So tan op chrang an no mek notn ar nobadi tek unu ton unu bak iina sliev.

1 Korintiyan 10:4

An di uol a dem did jringk di siem jringks we Gad iina im powa did gi dem fi jringk. Gad wok wan mirikl an mek waata kom outa rak, an a dat dem jringk. An di rak we di waata kom fram a did Krais Jiizas.

Ruoman 8:15

Kaaz Gad neva gi unu wan Spirit we ton unu iina sliev an kaaz unu fi fried. Di Spirit we Gad gi wi, mek wi im pikni an a da Spirit de mek wi kyan taak tu Gad an kaal im “Faada, fi mi Faada.”

Gyalieshan 4:3

So yu si wi, wi a laik da pikni de. Wen wi did yong, di spirit dem we did av kanchuol uova di worl did av wi laik sliev.