Gyalieshan 4:18 - Di Jamiekan Nyuu Testiment

¹⁸ It gud fi fala sitn wid aal a yu aat yu nuo, bot onggl ef wa yu a fala a sopm gud an yu a du it fi di rait riizn. A dat unu fi du aal di taim, no jos wen mi de de wid unu.

Gyalieshan 4:18 ပူးပေါင်းရင်းမြစ်များ

Jan 2:17

Sed taim dis ya apm, im falara dem memba ou Gad wod se, “Di wie mi lov yu ous, it de go kaaz mi fi ded.”

1 Korintiyan 15:58

Mi breda an sista tan op chrang an no mek notn mek yu tap biliiv. Mek shuor se unu eva a du di Laad wok sins unu nuo se aal we unu du fi Gad — unu naa du fi notn.

Gyalieshan 4:13

Unu nuo se a chuu mi did sik mek mi did kom priich di Gud Nyuuz tu unu di fos taim.

Gyalieshan 4:17

Yu si dem piipl de we a chienj op di Gud Nyuuz, dem wel waahn fi win unu uova. Dem waahn unu fi jain dem bot dem no miin unu no gud. Wa dem a chrai fi du a ton unu gens mi, kaaz dem wel waahn unu fi fala dem wid aal a unu aat.

Gyalieshan 4:20

Mi wish wid aal a mi aat se mi kuda de de wid unu nou an taak tu unu likl saafa. Kaaz mi kyaahn andastan wa a gwaan wid unu an mi a wori bout unu.

Filipiyan 1:27

So mek shuor se unu liv ou di Gud Nyuuz bout Krais Jiizas se unu fi liv. Da wie de weda mi kom luk fi unu, ar mi no kom, mi wi ier se aal a unu a tan op chrang tugeda fi di siem ting an a fait fi wa unu biliiv bout di Gud Nyuuz.

Filipiyan 2:12

So mi gud fren, unu si siem laik ou unu aalwiez du we Gad waahn unu fi du, no onggl wen mi de de wid unu bot wos laik ou mi no de de, gwaan du di sitn dem we wi mek piipl si se Gad siev unu an unu av nof rispek fi im iina evriting we unu a du.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

Revilieshan 3:19

Di piipl we mi lov, mi taak tu dem aad an chrietn dem out an mek dem nuo se we dem a du rang. So get siiros an ton we fram unu sin dem an shuo se unu sari.