Gyalieshan 4:17 - Di Jamiekan Nyuu Testiment

¹⁷ Yu si dem piipl de we a chienj op di Gud Nyuuz, dem wel waahn fi win unu uova. Dem waahn unu fi jain dem bot dem no miin unu no gud. Wa dem a chrai fi du a ton unu gens mi, kaaz dem wel waahn unu fi fala dem wid aal a unu aat.

Gyalieshan 4:17 ပူးပေါင်းရင်းမြစ်များ

Matyu 23:15

“Mi se di Laa tiicha an Farisii piipl dem chobl fu'unu! Unu ipokrit unu! Unu kraas uova lan an sii fi chrai chienj wan sumadi fi go fu'unu wie, an wen da wan sumadi de staat worship Gad fu'unu wie, unu mek dem fit fi go el tuu taim muo dan unu!

Ruoman 10:2

Kaaz mi kyan tel unu fi shuor se dem wel waahn fi sorv Gad. Bot dem no andastan se wa dem a du no lain op wid di chuut.

Ruoman 16:18

Kaaz dem piipl de, dem naa sorv wi Laad Jiizas Krais, dem onggl a sorv demself. Dem a swiit-mout, dem yuuz aal kain-a fansi wod fi chrik an miks op di piipl dem we no nuo beta.

1 Korintiyan 11:2

Mi afi big unu op kaaz unu a du gud. Unu eva memba di sitn dem we mi did tiich unu an unu aalwiez a fala dem. Unu fala dem jos laik ou mi did se.

1 Korintiyan 4:18

Nou som a unu staat get buosi kaaz unu tingk se mi naa go kom si unu.

1 Korintiyan 4:8

Uo! So unu av aal we unu kuda waahn aredi! An unu don rich! Wos unu ton king lef wi. Mi wish se unu did riili ton king fi chuu, so dat wi kuda ton king wid unu tu.

2 Korintiyan 11:3

Bot mi fried se, jos laik ou di siniek di chrik op Iiv, sumadi a-go chrik unu an kaaz unu fi ton we fram Krais Jiizas an tap fala im wid aal a unu aat.

Gyalieshan 4:16

So wa, mi a unu enimi nou kaaz mi tel unu di chuut?

Gyalieshan 4:18

It gud fi fala sitn wid aal a yu aat yu nuo, bot onggl ef wa yu a fala a sopm gud an yu a du it fi di rait riizn. A dat unu fi du aal di taim, no jos wen mi de de wid unu.

Filipiyan 2:21

Kaaz evribadi els onggl a luk out fi demself. Dem no bizniz bout notn we Jiizas Krais kier bout.

2 Piita 2:18

Dem mek big chat we no wot notn an chrai fi jraa we di piipl dem we jos bieli ton we fram di piipl dem we naa liv rait. Kaaz dem piipl ya bieli muuv we fram dem sitn de, an wi stil wel waahn av seks iivn duo dem no marid an dabl-dabl iina aal kain-a sin, di faalz tiicha dem yuuz dis an jraa dem we.

2 Piita 2:3

Siek-a ou dem faalz tiicha ya griidi, dem a-go mek op tuori fi chrai mek moni aafa unu. Bot a lang taim nou dem jojment redi. An Gad naa sliip, im a-go mash dem dong!