Gyalieshan 4:12 - Di Jamiekan Nyuu Testiment

¹² Mi a wan Juu an mi naa fala di Laa — mi komiin jos laik unu we a no Juu. So breda an sista mi a beg unu, du laik mi an no bada fala di Laa. Unu neva du mi notn rang bifuo.

Gyalieshan 4:12 ပူးပေါင်းရင်းမြစ်များ

Aks 21:21

Wel, dem ier se yu a tiich aal a di Juu dem we liv mongks di piipl we a no Juu se dem fi ton we fram we Muoziz tiich, no sorkomsaiz dem pikni, ar liv laik ou Juu fi liv.

2 Korintiyan 2:5

Nou sumadi mongks unu did du sitn we kaaz unu fi fiil pien iina unu aat. Mi nuo se it ort unu muor dan it ort mi kaaz wa dem did du did ort aal a unu wan wie ar aneda (mi no waahn fi mek tingz soun wosa dan dem bi).

2 Korintiyan 6:11

Unu we iina Korint wi aalwiez chriet wid unu; wi aalwiez tel unu di chuut wi no aid notn fram unu. An wi lov unu wid evriting we de iina wi aat.

2 Korintiyan 6:13

So fi bi fier, mi a aks unu, sins wi stil lov unu, lov wi bak. Mi a taak tu unu laik se unu a mi uona pikni dem, lov wi wid evriting we de iina unu aat.

Gyalieshan 2:14

Bot wen mi si se dem naa ak laik ou di Gud Nyuuz se wi fi ak, infronta evribadi mi se tu Siifas se, “Ef yu a wan Juu an a liv laik di piipl dem we a no Juu, ou yu tingk yu a-go get dem piipl de fi staat liv laik ou Juu liv?”

Gyalieshan 4:11

Mi fried fi unu. Yu miin se aal a di wok we mi du — aal di tiich mi did tiich unu — aal a dat a fi notn?

Gyalieshan 4:13

Unu nuo se a chuu mi did sik mek mi did kom priich di Gud Nyuuz tu unu di fos taim.

Gyalieshan 6:14

Mi uop se mi wi onggl buos bout ou Jiizas ded pan di kraas fi mi an ou siek-a im, mi no liv laik ou di res a piipl iina di worl liv — mi ded tu di worl an di worl ded tu mi. Mi uop se mi neva eva buos bout notn els bot dat.

Gyalieshan 6:18

Breda an sista mi prie se wi Laad Jiizas Krais wi shuo di uol a unu lov iivn duo wi no dizorv it. Iemen!