Gyalieshan 3:5 - Di Jamiekan Nyuu Testiment

⁵ Wa mek Gad gi unu im Spirit an wok mirikl mongks unu? Unu tingk im du it kaaz unu fala di Laa ar kaaz unu biliiv wa unu ier?

Gyalieshan 3:5 ပူးပေါင်းရင်းမြစ်များ

Aks 14:3

So Paal an Baanabas tan de fi wan lang taim. An dem neva fried fi priich fi di Laad. Di mesij we dem did a priich bout ou di Laad lov piipl iivn duo dem no dizorv it, di Laad pruuv se a chuu dem did a taak wen im gi dem powa fi du aal kain-a mirikl an sain.

Ruoman 10:17

So den, piipl kyan onggl kom fi biliiv wen dem ier di mesij, an dem kyan onggl ier, ef sumadi go priich tu dem bout Krais Jiizas.

Ruoman 15:19

an siek-a di sain dem an di mirikl dem we Gad Spirit gi mi di powa fi du. So fram Jeruusilem go klier a Ilirikom, mi priich di Gud Nyuuz bout Krais Jiizas aal bout.

1 Korintiyan 12:10

Som piipl, Gad Spirit mek dem kyan wok mirikl. Wan neda set a piipl, di Spirit mek dem kyan priich Gad mesij. Ada piipl di Spirit gi dem di powa fi nuo ef a Gad Spirit a mek som piipl kyan du sortn tingz ar ef a som ada spirit a mek dem du it. Di Spirit aal mek som piipl kyan taak iina tongz an a di siem Spirit kaaz ada piipl fi andastan dem.

2 Korintiyan 10:4

Kaaz di sitn dem we wi fait wid, a no di siem kain-a sitn we di worliyan dem fait wid. No man neva mek di sitn dem we wi yuuz; di sitn dem we wi yuuz fi fait, a Gad mek dem an im gi dem di powa fi mash dong eniting we di enimi chrai fi bil op gens wi. Wi mash op dem aagiment,

2 Korintiyan 12:12

Di sitn dem we shuo se sumadi a riili wan apasl, mi du dem mongks unu. Nof mirikl apm mongks unu an kaaz unu fi andastan nof sitn bout di Spirit. Gad du nof powaful sitn mongks unu tu, so powaful dat unu kudn iivn biliiv wa unu a si.

2 Korintiyan 13:3

Mi naa go tek it iizi pan nobadi sins unu did waahn mi fi pruuv se Krais Jiizas a yuuz mi fi taak tu unu. Wen im diil wid unu im no wiik, im shuo im powa mongks unu.

2 Korintiyan 3:8

unu no tingk se di Nyuu Diil we di Spirit bring an we kyan siev piipl a-go kom wid nof muor powa dan dat?

2 Korintiyan 9:10

Nou, Gad, we gi di faama siid fi plaant an we gi piipl bred fi iit, im wi gi unu aal di siid we unu wuda niid fi plaant an im wi mek dem gruo tu. Im wi mek shuor se unu aalwiez av muor dan unu niid, so dat unu kyan aalwiez gi tu ada piipl.

Gyalieshan 3:2

So a wan ting mi waahn unu fi tel mi nou: Unu get di Spirit chuu unu fala di Laa ar kaaz unu biliiv wa unu did ier?

Filipiyan 1:19

Kaaz Jiizas Krais Spirit a elp mi, an kaaz unu a prie fi mi, mi nuo se aal a di sitn dem we apm tu mi a-go wok out so dat mi get frii.