Gyalieshan 3:24 - Di Jamiekan Nyuu Testiment

²⁴ So di Laa did a gyaad wi til Krais Jiizas kom. It did a elp wi fi liv rait so dat wen Jiizas kom wi kuda mek tingz rait wid Gad, ef wi biliiv iina im.

Gyalieshan 3:24 ပူးပေါင်းရင်းမြစ်များ

Ruoman 10:4

Bot Krais Jiizas mek it so dat wi no afi fala di Laa no muor; Gad wi mek tingz rait bitwiin im an enibadi we biliiv iina Krais Jiizas.

Gyalieshan 2:16

Bot wi nuo se no chuu sumadi a fala di Laa dat miin se tingz rait bitwiin dem an Gad. A onggl wen wi biliiv iina Jiizas Krais dat tingz kyan rait bitwiin wi an Gad. So iivn wi we a Juu, staat biliiv iina Jiizas Krais. Kaaz wi waahn fi mek tingz rait wid Gad an wi nuo se dat naa apm ef wi jos a fala Muoziz Laa.

Koloshan 2:17

Aal a dem ruul de, dem no notn laik di sitn dem we a-go kom. Dem a onggl laik wan sheda fi dem sitn de; dem a no di riil ting. Wa riil, a Krais Jiizas.

Gyalieshan 2:19

So azkaadn tu di Laa mi ded aredi — kaaz mi naa fala it no muor. Mi tap fala it so dat mi kuda liv mi laif fi sorv Gad. It komiin laik se mi did ded pan di kraas wid Krais Jiizas.

Gyalieshan 3:25

Bot nou a taim wen wi kyan chos iina Jiizas an get siev, so wi no afi fala di Laa no muor — di taim fi it ruul uova wi don.

1 Korintiyan 4:15

Kaaz iivn duo unu mait-a av ten touzn tiicha fi elp unu liv ou Gad waahn unu fi liv, a no aal a dem a-go komiin laik wan faada tu unu. Bot mi a unu faada kaaz a mi fos bring di Gud Nyuuz kom gi unu an elp unu fi biliiv.

Ruoman 9:30

So den wa wi kyan se bout aal a dat? Wi kyan se dat di piipl we a no Juu, dem neva did a luk fi Gad put tingz rait wid dem, bot Gad mek tingz rait bitwiin im an dem kaaz dem chos iina im.