Gyalieshan 3:22 - Di Jamiekan Nyuu Testiment

²² Bot a no so it go. Iina Gad wod it rait dong se, sin av powa uova evribadi iina di worl, it komiin laik se wi iina prizn. An so Gad pramis fi siev wi an mek wi liv fi eva ef wi biliiv iina Jiizas Krais.

Gyalieshan 3:22 ပူးပေါင်းရင်းမြစ်များ

Ruoman 11:32

Piipl neva waahn fi du wa Gad se dem fi du. So Gad lef dem fi du di sitn dem we dem waahn. Gad lef dem an mek di sitn dem we dem waahn fi du av dem laik prizna, so dat lieta im kuda gud an kain tu di uol a dem.

Iibruu 9:15

A so kom im mek wan nyuu plan bitwiin Gad an piipl. So di piipl dem we Gad kaal fi bi fi im uona piipl dem, im kyan bles dem fi eva laik we im pramis fi du. Dat kyan apm kaaz im ded, an kaaz im go ded di piipl dem we sin an brok di uol taim plan we Gad did mek wid dem, dem piipl de kyan get paadn.

Gyalieshan 3:23

Bifuo di taim kom wen wi kuda chos iina Jiizas an get siev, di Laa did av wi laik prizna. An it did av wi laik prizna til a did taim fi Gad shuo se wi kuda mek tingz rait wid im ef wi biliiv iina Jiizas.

1 Jan 2:25

An wa di Bwai Pikni did pramis a dis: im se wi a-go liv fi eva.

Jan 3:36

Di sumadi we chos iina im Bwai Pikni a-go liv fi eva, bot di wan we no waahn fi av notn fi du wid im naa go liv, an Gad eva a-go ponish im.”

Jan 12:46

Mi kom iina di worl laka wan lait, so dat dem we chos iina mi no gweehn tan iina daaknis.

Jan 5:24

“Mi de tel unu fi chuu chuu, enibadi we ier we mi se an chos iina di wan we sen mi, a-go liv fi eva. Dem naa go get sen fi ded. Nuo! Dem get muuv uova fram we paat dem wuda ded, an gaan uova tu we paat dem gweehn liv.

2 Piita 3:13

Bot wi a luk faawod fi di nyuu evn dem an di nyuu ort we im pramis wi. A de-so evribadi a-go liv ou Gad waahn dem fi liv.

2 Piita 1:4

Siek-a dem sitn ya im gi wi di big an preshos preshos gif we im did pramis wi. So, wi kyan komiin muo an muo laik Gad, an aal shier iina uu im bi. An da wie de wi kyan ron we fram di wikidnis we iina da worl ya, we set fi kil aaf piipl. Di wikidnis we kom bout siek-a ou dem wel waahn fi sin.

2 Timoti 1:1

Timoti, dis a Paal, Jiizas Krais apasl. Gad pik mi fi bi Jiizas apasl an sen mi fi go tel evribadi bout di laif we Gad pramis fi gi wi ef wi biliiv iina Krais Jiizas.

Gyalieshan 3:29

An ef unu bilang tu Krais Jiizas, den unu a Iebriyam pikni an aal a di sitn dem we Gad pramis fi gi Iebriyam, unu wi get tu.

Ruoman 10:9

Kaaz ef yu se wid yu uona mout infronta piipl dat “Jiizas a Laad” an ef yu biliiv iina yu aat se Gad mek im kom bak alaiv, yu wi get siev.

Ruoman 5:12

A wan man kaaz sin fi kom iina di worl, an a da man de sin kaaz im fi ded. An siem ou it go wid im a siem so it go wid evribadi — evribadi sin so evribadi a-go ded.

Ruoman 3:23

Kaaz evribadi du rang — evribadi a sina. Gad did mek wi laik im an wi did fi tan laik im bot siek-a sin dat neehn apm.

Aks 16:31

Dem se tu im se, “Biliiv iina di Laad Jiizas an yu wi get siev, yu an aal uu liv iina yu ous.”

Jan 20:31

Bot dem ya rait dong so unu mait-a biliiv se Jiizas a di Krais, Gad Bwai Pikni, an dat wen unu biliiv iina im, unu kyan av laif we laas fi eva.

Jan 6:40

Kaa mi Faada waahn evribadi we si di Bwai Pikni fi uu im riili bi an we chos iina im fi liv fi eva, an a mi a-go mek dem kom bak alaiv pan di laas die.”

Gyalieshan 3:17

Wa mi a chrai fi se a dat Gad did mek wan pramis tu Iebriyam, wan pramis we im naa go brok. Fuo onjrid an toti ier lieta, Gad gi wi di Laa. Da Laa de no miin se Gad naa go kip im pramis tu Iebriyam. Di Laa kyaahn chienj dat.

Gyalieshan 3:14

Jiizas ded fi wi so dat di piipl dem we a no Juu an we biliiv iina im kyan get bles siem laik ou Gad did bles Iebriyam. Im du it tu so dat wen wi chos iina im wi kyan get di Spirit we Gad pramis fi gi wi.

Maak 16:16

Ef nobadi biliiv an get baptaiz, a dem a-go get siev, bot di wan dem wa no biliiv, jojment fi dem!

Ruoman 3:22

Gad onggl mek tingz rait bitwiin im an piipl wen dem biliiv iina Jiizas Krais. A so it go fi evribadi weda yu a Juu ar yu a no Juu.