Gyalieshan 3:20 - Di Jamiekan Nyuu Testiment

²⁰ Bot wen Gad did a mek im pramis tu Iebriyam, im neva sen nobadi — im kom taak tu im imself.

Gyalieshan 3:20 ပူးပေါင်းရင်းမြစ်များ

Aks 12:20

Erad did riili riili beks wid di piipl dem fram Taiya an Saidan. So di piipl dem jain op tugeda iina wan gruup an go fi miit di King. Bot fos dem manij fi get Blastos, we di inchaaj a di king palis, fi elp dem. Den dem go beg di king paadn an mek piis wid im, kaaz dem get fi dem fuud fram di king konchri.

Gyalieshan 3:17

Wa mi a chrai fi se a dat Gad did mek wan pramis tu Iebriyam, wan pramis we im naa go brok. Fuo onjrid an toti ier lieta, Gad gi wi di Laa. Da Laa de no miin se Gad naa go kip im pramis tu Iebriyam. Di Laa kyaahn chienj dat.

1 Timoti 2:5

Kaaz a onggl wan Gad de bout, an Jiizas Krais a di migl man, di onggl wan we kyan bring Gad an piipl tugeda.

Iibruu 12:24

Unu kom tu Jiizas, di wan we iina di migl we mek di nyuu plan bitwiin Gad an piipl. An unu kom tu im blod, we ron an wash we sin, an da blod de tan fi sitn wie beta dan Iebl blod.

Iibruu 8:6

Bot nou, di wok we Jiizas get fi du, dat uol iip biga dan di priis dem uon, laik ou im kom bitwiin Gad an wi an mek wan beta diil wid Gad fi wi, an da plan de pramis wi som beta sopm tu.

Iibruu 9:15

A so kom im mek wan nyuu plan bitwiin Gad an piipl. So di piipl dem we Gad kaal fi bi fi im uona piipl dem, im kyan bles dem fi eva laik we im pramis fi du. Dat kyan apm kaaz im ded, an kaaz im go ded di piipl dem we sin an brok di uol taim plan we Gad did mek wid dem, dem piipl de kyan get paadn.