Gyalieshan 3:19 - Di Jamiekan Nyuu Testiment

¹⁹ Nou som piipl a-go se, “So wa wi get di Laa fa?” Gad mek wan pramis tu wi bot im gi wi di Laa kaaz wi did a sin an im waahn wi fi liv rait. Gad did waahn piipl fi fala da Laa de til wen Iebriyam pikni, we Gad se im wuda bles, kom. Nou wen Gad did a gi wi di Laa — im sen som ienjel fi tel Muoziz an den Muoziz kom tel wi. So Muoziz a did wi lingk tu Gad.

Gyalieshan 3:19 ပူးပေါင်းရင်းမြစ်များ

Aks 7:53

Iivn duo Gad sen im ienjel dem tu unu fi gi unu im Laa, unu naa du we im se.”

Iibruu 2:2

Kaaz ef di mesij we di ienjel dem did gi, ton out chuu, an ef aal a di piipl dem we du rang, an dem we neva lisn, did get ponish laik ou dem fi get ponish,

Gyalieshan 3:16

Nou di pramis we Gad mek tu Iebriyam, a did fi Iebriyam an im pikni. Gad wod neva se a nof piipl — it neva se “an tu im pikni dem.” Wa rait dong iina Gad wod a “tu im pikni.” A wan sumadi it a taak bout, an da sumadi de a Krais Jiizas.

Ruoman 4:15

Kaaz Gad beks wen piipl brok im Laa, an kaaz a di Laa im a-go joj dem piipl de. Bot ef no laa no de de, nobadi kyan brok it, kaaz notn wudn de de fi brok.

Ruoman 2:13

Kaaz Gad mek tingz rait bitwiin im an di piipl we ier di Laa an fala aal we it se, no wid di piipl dem we jos ier it bot naa fala it.

Aks 7:38

Da siem Muoziz ya did de de wid di Izrel piipl we did gyada op iina di dezot. Im did de de wid wi faada faada dem an wid di ienjel we did taak tu im pan Mount Sainai. An a im did get Gad wod, di Wod we laas fi eva, an a im kyari it kom gi wi.

Jan 15:22

Ef mi neehn kom an taak tu dem, dem wudn gilti a notn rang. Bot rait ya nou, dem na'av notn fi yuuz an se dem no gilti.

Jan 1:17

Kaaz, yu si, Gad gi Muoziz di Laa fi gi wi, bot im yuuz Jiizas fi mek wi nuo wa chuu, an siek-a Jiizas, im shuo wi lov we wi no dizorv.

Iibruu 2:5

Kaaz di worl we a-go kom — di worl wi a taak bout nou, im neehn mek ienjel kanchuol it.

Luuk 16:31

“Iebriyam se, ‘Ef dem no lisn Muoziz an di prafit dem, no iivn sumadi fram di ded a-go mek dem chienj dem main.’ ”