Gyalieshan 3:12 - Di Jamiekan Nyuu Testiment

¹² Bot yu no afi biliiv iina Gad fi fala di Laa, di Laa no av notn fi du wid dat. It rait dong iina Gad wod se, “Di wan dem we a fala di Laa an du evriting we di Laa se dem fi du — dem wi liv azkaadn tu ou di Laa se dem a-go liv.”

Gyalieshan 3:12 ပူးပေါင်းရင်းမြစ်များ

Matyu 19:17

So Jiizas se tu im se, “A wa mek yu kom a aks mi bout wa gud? A onggl wan sumadi de bout we gud yu no. Bot ef yu waahn fi liv fi eva kip di Laa dem we Gad did gi Muoziz.

Ruoman 11:6

A no notn we dem du mek im pik dem, im pik dem kaaz im mek op im main fi shuo dem lov iivn wen dem no dizorv it. Ef a neva so it go, ef Gad did a pik piipl bies pan wa dem du, den a no gud an kain im wuda a gud an kain tu piipl.

Ruoman 4:14

Ef a onggl di piipl we a fala di Laa a-go get di sitn dem wa Gad pramis, den it no mek no sens fi wi chos iina Gad an aal a di pramis dem we Gad mek no miin notn.

Ruoman 4:16

A dat mek Gad neva mek im pramis bies pan weda piipl fala ar no fala di Laa, bot bies pan weda dem chos ar no chos iina im. Gad mek it da wie de so dat piipl wuda nuo se di sitn dem we im pramis a fi im frii gif tu aal a Iebriyam pikni dem. No jos di pikni dem we a fala di Laa bot tu di wan dem we biliiv laik Iebriyam tu. Iebriyam a di faada fi evribadi.

Ruoman 7:10

an a dat mek mi ded. So mi did fain se di siem Laa we Gad sen we did fi kaaz mi fi liv, a it kaaz mi fi ded.