Gyalieshan 2:5 - Di Jamiekan Nyuu Testiment

⁵ Bot wi neva gi iin tu dem — no iivn fi a likl. Wi neva du wa dem waahn kaaz wi did waahn fi mek shuor se unu gwaan biliiv di chuu mesij bout Jiizas we wi did tiich unu.

Gyalieshan 2:5 ပူးပေါင်းရင်းမြစ်များ

Aks 15:2

Paal an Baanabas aagyu chrang chrang gens wa dem man de did a tiich, an tan op tu dem an mek dem nuo se dem rang. So di choch pik Paal an Baanabas, an som ada biliiva fi go wid dem a Jeruusilem fi go taak tu di apasl an elda dem bout di mata.

Gyalieshan 1:6

Mi fraitn fi si ou unu kwik fi ton we fram Gad we pik unu an we sen Jiizas fi bi gud an kain tu unu. Unu ton we fram di chuu mesij an staat fala som ada mesij.

Gyalieshan 2:14

Bot wen mi si se dem naa ak laik ou di Gud Nyuuz se wi fi ak, infronta evribadi mi se tu Siifas se, “Ef yu a wan Juu an a liv laik di piipl dem we a no Juu, ou yu tingk yu a-go get dem piipl de fi staat liv laik ou Juu liv?”

Gyalieshan 4:16

So wa, mi a unu enimi nou kaaz mi tel unu di chuut?

Ifiijan 1:13

An wen unu did ier Gad wod — di chuu mesij we siev unu — wen unu biliiv iina Krais Jiizas, Gad gi unu im Uoli Spirit we im did pramis, fi shuo se unu a fi im.

Koloshan 1:5

Unu du dem sitn de kaaz unu a luk fi get wa Gad put op iina evn fi wi, an unu nuo fi shuor se unu a-go get dem. Wa Gad put op a di sed sitn dem we unu did ier bout wen unu did ier di Gud Nyuuz, an da mesij de chuu.

1 Tesaluoniyan 2:13

An siek-a dis wi gi Gad tangks aal di wail. Kaaz wen unu tek iin Gad wod we unu did ier fram wi, unu neehn tek it laik a wod we kom fram man, bot unu tek it fi wa it bi fi chuu — Gad wod, we a wok iina aal a unu we biliiv.

Juud 1:3

Mi breda an sista, mi did a du evriting fi rait unu bout di nyuu laif we Gad gi aal a wi kaaz wi an Jiizas Krais a wan. Bot mi afi rait an tel unu fi tan op chrang an fait fi di sitn dem we Gad piipl get, an we wi biliiv iina. Wi get dem wan taim fi aal a Gad piipl an dem kyaahn chienj.