Gyalieshan 2:2 - Di Jamiekan Nyuu Testiment

² Mi go bak de kaaz Gad did mek mi nuo se a de-so im waahn mi fi go. An wen mi dong de mi miit wid di liida dem — dem wan, an mek dem ier di mesij we mi did a priich tu di piipl dem we a no Juu. Mi mek dem ier it so dat dem wuda nuo se mi a tiich di chuut an so dat aal a di wok we mi did a du, wudn kom tu notn.

Gyalieshan 2:2 ပူးပေါင်းရင်းမြစ်များ

Matyu 10:16

Mi a sen unu out laik shiip mongks wulf. So waiz op laik siniek an tek it iizi laik dov.

Aks 15:12

Evribadi iina di miitn kip kwaiyat an lisn tu Paal an Baanabas wail dem tel dem bout di mirikl an di powaful sitn dem wa Gad gi dem powa fi du mongks di piipl we a no Juu.

Aks 15:2

Paal an Baanabas aagyu chrang chrang gens wa dem man de did a tiich, an tan op tu dem an mek dem nuo se dem rang. So di choch pik Paal an Baanabas, an som ada biliiva fi go wid dem a Jeruusilem fi go taak tu di apasl an elda dem bout di mata.

Aks 15:4

Wen dem riich a Jeruusilem, di choch, di apasl dem, an di elda dem tek dem iin. Den Paal an Baanabas tel dem evriting we Gad mek dem du mongks di piipl we a no Juu.

Aks 18:9

An iina di nait di Laad se tu Paal iina wan vijan, “No fried, taak op an no kip kwaiyat,

Aks 23:11

Di neks nait di Laad tan op saida Paal an tel im se, “Tek aat, kaaz siem ou yu tel di Jeruusilem piipl dem bout mi, a siem so yu afi go tel di piipl dem iina Ruom bout mi tu.”

Aks 5:34

Bot wan Farisii niem Gyamieliyel, wan a di Laa tiicha dem we evribadi rispek, tan op iina di miitn infronta aal a di liida dem an aada dem fi put di apasl dem outa duor likl bit.

Ruoman 9:16

So den Gad no pik piipl bies pan wa dem waahn ar pan we dem du; Gad pik piipl bies pan uu im waahn fi gud an kain tu.

1 Korintiyan 1:23

Bot yu si wi, wi priich bout ou Krais Jiizas ded pan di kraas fi siev wi. Di Juu dem beks enitaim dem ier da mesij ya an di piipl dem we a no Juu tingk se a fuulinish wi a taak.

1 Korintiyan 2:2

Kaaz mi did mek op mi main se wail mi did de de wid unu, mi wuda onggl priich bout Jiizas Krais an ou dem kil im pan di kraas.

1 Korintiyan 9:24

Unu no nuo se aal di rona dem we go a stiediyom ron gens dem wan aneda, bot a onggl wan a dem kyan win? So unu mos ron laik se unu waahn fi win.

1 Korintiyan 9:26

So mi naa ron laik wan man we naa no we a ron go — mi ron chriet a di finish lain. Mi naa fait laik se mi a baks briiz.

2 Korintiyan 12:1

Mi afi gwaan brag an buos, iivn duo notn gud naa kom fram it. Nou, mi a-go brag an buos bout di vijan dem we di Laad gi piipl an bout di siikrit sitn dem we im mek dem kom fi andastan.

Gyalieshan 1:12

Nobadi neva bring it kom gi mi ar tiich it tu mi. Di mesij we mi priich tu unu kom fram Gad an a Jiizas shuo it tu mi.

Gyalieshan 1:16

im mek mi nuo im Bwai Pikni, Jiizas, so dat mi kuda tiich di piipl dem we a no Juu bout im. Mi neva go taak tu nobadi wen dem sitn de apm tu mi,

Gyalieshan 1:6

Mi fraitn fi si ou unu kwik fi ton we fram Gad we pik unu an we sen Jiizas fi bi gud an kain tu unu. Unu ton we fram di chuu mesij an staat fala som ada mesij.

Gyalieshan 2:6

Di impuotant liida dem iina Jeruusilem (mi no bizniz wid ou impuotant di liida dem bi, kaaz Gad no luk pan dat, im no paashal) — dem neva ad notn tu di mesij we mi priich.

Gyalieshan 2:9

An wen di big impuotant liida dem — Jiemz, Siifas an Jan, si se a Gad gi mi da speshal wok ya fi du, dem shiek fi mi an Baanabas an. Dem shiek wi an fi shuo se wi a wan a dem an dat wi fi gwaan tiich di Gud Nyuuz tu di piipl dem we a no Juu, jos laik ou dem a priich it tu di Juu dem.

Gyalieshan 5:7

Unu did a ron so aad an a gwaan so gud! A uu kaaz unu fi tap fala an biliiv iina di chuut?

Filipiyan 2:16

Unu fi tel di piipl dem Gad mesij — Gad mesij bout ou dem kyan get di laif we mek dem liv fi eva an eva. Unu fi du dat, so dat wen Krais Jiizas kom baka ort, mi wi kyan buos bout unu se mi neehn ron ar wok so aad mongks unu fi notn.

Filipiyan 2:29

So wen im kom, tek im iin an chriit im gud laik wan a di Laad piipl dem, an gi im di kain-a rispek we piipl laik im fi get.

1 Tesaluoniyan 3:5

A so kom wen wi kudn bier it no langga mi did afi sen Timoti fi fain out ef unu a uol aan chrang an a gwaan chos iina Gad. Kaa mi did fried se Sietan did mek unu du rang an so aal di wok we wi did du mongks unu wudn wot notn.

2 Timoti 4:7

Mi wok aad fi Gad; mi fait fi wa mi biliiv iina. Mi priich Gad wod an du aal a wa Gad tel mi fi du; mi ron da ries ya til it don an no gi op. Mi a-go sorv im til mi ded.

Iibruu 12:1

So laik ou wan kroud a piipl de aal bout roun wi, an dem shuo wi aredi ou fi chos iina Gad, wi afi dash aaf evriting we a sluo wi dong iina da ries ya. Di sin we tai op wi fut iizi iizi, wi afi dash dem aaf man, an ron di ries we de infronta wi an no wier out pan di wie.