Gyalieshan 2:12 - Di Jamiekan Nyuu Testiment

¹² Kaaz im yuus tu iit wid di piipl dem we a no Juu. Bot wen som man we Jiemz sen riich, im kwik taim bak we fram dem. Im tap iit wid dem kaaz im did fried a wa di Juu dem we fiil se yu afi sorkomsaiz wuda se bout im ef dem kech im a iit wid dem piipl de.

Gyalieshan 2:12 ပူးပေါင်းရင်းမြစ်များ

Aks 10:28

So Piita se tu dem, “Aal a unu nuo se azkaadn tu di Juu dem Laa, it no rait fi wan Juu av notn fi du wid piipl we a no Juu, ar fi go a dem yaad. Bot Gad shuo mi se mi no fi luk pan nobadi an tingk se dem no kliin ar se it rang fi mi kip kompni wid dem.

Luuk 15:2

Bot di Farisii an di Laa tiicha dem staat grombl se, “Da man ya a fren op sina an aal a nyam wid dem.”

Ifiijan 3:6

Di siikrit mesij a dat wen piipl we a no Juu biliiv iina di Gud Nyuuz, dem ton Gad pikni an tek paat iina aal a di gud sitn dem Gad gi di Juu piipl dem. Pan tap a dat, aal a dem jain op tugeda wid di Izrel piipl dem we bilang tu Gad, an siek-a wa Jiizas du, dem gweehn get aal a wa Gad pramis fi gi im piipl dem.

Gyalieshan 2:9

An wen di big impuotant liida dem — Jiemz, Siifas an Jan, si se a Gad gi mi da speshal wok ya fi du, dem shiek fi mi an Baanabas an. Dem shiek wi an fi shuo se wi a wan a dem an dat wi fi gwaan tiich di Gud Nyuuz tu di piipl dem we a no Juu, jos laik ou dem a priich it tu di Juu dem.

1 Tesaluoniyan 5:22

an kip we fram aal kain-a sitn we bad.

Ifiijan 2:15

An im du dat, wen im ded pan di kraas an tek we di Laa wid di ruul dem, so wi no afi fala dem no muor. Im du dat, so dat, wid im uona laif, im kuda mek piis mongks piipl we a Juu an piipl we a no Juu, an so dat im kuda ton dem iina wan gruup a piipl.

Aks 12:17

So Piita mek wan sain wid im an an se, “Shhh, tap unu naiz!” Den im tel dem ou di Laad Gad sen wan a im ienjel an frii im outa prizn. Im se, “Tel Jiemz an di ada breda dem bout wa apm.” Afta dat im lef an go a wan neda plies.

Gyalieshan 2:14

Bot wen mi si se dem naa ak laik ou di Gud Nyuuz se wi fi ak, infronta evribadi mi se tu Siifas se, “Ef yu a wan Juu an a liv laik di piipl dem we a no Juu, ou yu tingk yu a-go get dem piipl de fi staat liv laik ou Juu liv?”

Luuk 5:38

Nyuu wain mos put iina nyuu bakl.