Gyalieshan 1:5 - Di Jamiekan Nyuu Testiment

⁵ Mi prie se di uol a wi wi priez Gad fi eva an eva! Iemen!

Gyalieshan 1:5 ပူးပေါင်းရင်းမြစ်များ

Matyu 28:20

Gwaan go tiich dem fi lisn an fala aal a di ruul dem we mi gu'unu. An memba, mi no lef unu non at aal, mi de wich paat unu de til taim don.”

Matyu 6:13

An no mek wi fies notn we wi kaaz wi fi sin, bot protek wi fram di wikid wan.’

Luuk 2:14

“Priez Gad we de a evn, an piis fi evribadi we Gad api wid.”

Ruoman 11:36

Kaaz a Gad mek evriting! A im kaaz evriting fi liv an evriting mek fi sorv im. Gad fi get priez fi eva an eva! Iemen!

Ruoman 16:27

Gad a di onggl riil Gad, notn an nobadi no waiz laik im. So siek-a wa Jiizas Krais du fi wi, mek wi priez Gad fi eva an eva. Iemen!

1 Korintiyan 8:13

So ef wa mi nyam a-go kaaz mi breda fi sin, mi wi tap nyam it. Da wie de mi wudn kaaz im fi sin.

Ifiijan 1:12

Im pik wi, so dat wi, we a did di fos wan dem fi chos iina Krais Jiizas, wuda kaaz piipl fi priez Gad, wen dem si ou im big an powaful.

Filipiyan 4:20

So mek wi big op an priez Faada Gad fi eva an eva! Iemen!

1 Timoti 1:17

So rispek an priez tu di King we a-go bi king fi eva, di onggl Gad, di wan we kyan neva ded an we wi kyaahn si wid wi yai dem, priez tu im fi eva an eva, Iemen!

2 Timoti 4:18

Di Laad naa go mek no wikid sitn ort mi. Im a-go kip mi sief an kyari mi go a im uom iina evn. Priez im fi eva an eva! Iemen!

Iibruu 13:21

wi gi unu aal a di gud sitn dem we impuotant fi go du wa im waahn unu fi du. Mi prie tu se im wi mek wi ton aal a wa im waahn wi fi ton. An dis wi apm kaaz im wi mek Krais Jiizas du dat. Di piipl dem fi priez Krais Jiizas fi eva an eva an lif im op. Iemen.

1 Piita 5:11

A Gad fi get aal a di powa, tide, tumaro an fi eva! Iemen.

2 Piita 3:18

Gwaan mek wi Laad Jiizas Krais we siev wi, lov unu an chriit unu gud, an unu fi gwaan lorn muo an muo bout im tu. Mi prie se im wi get di priez, tide, tumaro an fi eva! Iemen.

Juud 1:25

Im a di onggl Gad. Im siev wi wen im sen Jiizas Krais wi Laad fi ded fi wi. Big im op an worship im. A im av aal powa an di rait fi ruul iina evri wie an uova evribadi, bifuo taim did staat, rait ya nou, an fi eva an eva. Iemen!

Revilieshan 14:7

Di ienjel kaal out loud loud an se, “Unu beta gi Gad nof rispek an priez, kaaz a fi'im taim nou fi joj aal di piipl dem we de pan di ort. Unu fi worship di wan we mek evriting: di evn an di ort, di sii an di spring dem.”

Revilieshan 5:12

An di uol a dem sing da sang ya iina wan loud vais: “Di Biebi Shiip gud inof fi get nof ana an rispek, kaaz dem did kil im. Im gud inof fi get priez kaaz im wel powaful an im wel rich an wel waiz an im wel chrang. An im gud inof fi get ana an rispek fram evriting we im mek!”

Revilieshan 7:12

an se: “Iemen! Wi Gad, wi gi yu priez an ana an rispek. Yu waiz, an powaful an chrang an wi aalwiez gi yu tangks fi eva an eva. Iemen!”