Gyalieshan 1:23 - Di Jamiekan Nyuu Testiment

²³ Dem did onggl ier bout mi. Dem ier se, “Paal, di wan we mek nof a Gad piipl sofa an we chrai mash op nof choch, chienj im wiez an ton roun nou a tiich di mesij bout Jiizas. Im staat du di siem sitn we im did a chrai fi tap.”

Gyalieshan 1:23 ပူးပေါင်းရင်းမြစ်များ

Aks 19:13

An yu did av som Juu we did a go roun an a chrai fi aada diiman fi kom outa piipl. Dem did a yuuz di Laad Jiizas niem fi du it, so dem wuda se, “Iina di niem a Jiizas Krais we Paal priich, mi a aada yu fi kum outa da sumadi ya.”

Aks 6:7

Gad mesij bout Jiizas pred muo an muo, an muo an muo piipl biliiv iina Jiizas an wan uol iip a di priis dem biliiv di Gud Nyuuz tu.

Aks 9:13

Ananaiyas se, “Bot Laad, nof piipl tel mi bout da man de an di uol iip a wikid sitn dem we im du tu yu piipl dem iina Jeruusilem.

Aks 9:20

Saal neva wies no taim. Im staat priich siem taim iina di Juu dem choch se Jiizas a Gad Bwai Pikni.

Aks 9:21

An aal a di piipl we ier im shak. So dem staat fi aks dem wan aneda se, “A no da siem man ya did a chrai fi kil aaf di piipl dem iina Jeruusilem we worship Jiizas? A no im kom dong ya fi ares piipl an kyari dem go baka di ed priis?”

Aks 9:26

Wen Saal kech a Jeruusilem, im chrai fi jain op wid di piipl dem we biliiv iina Jiizas, bot aal a dem did fried a im kaaz dem neva biliiv se im did riili get siev.

Gyalieshan 6:10

So wen-eva wi av di chaans fi du gud, mek wi du it. Mek wi du gud fi evribadi, wos ef dem a paat a Gad fambili an biliiv iina Jiizas laik wi.