Filipiyan 4:6 - Di Jamiekan Nyuu Testiment

⁶ No wori wori op unuself bout notn. We unu fi du a prie tu Gad bout evriting, aks im fi we unu waahn, an gi im tangks fi evriting.

Filipiyan 4:6 ပူးပေါင်းရင်းမြစ်များ

Matyu 10:19

Bot wen dem uol aan pan unu an kyari unu go kuot, no bada fret bout wa unu a-go se ar ou unu a-go se it. Kaaz wen da taim de kom unu wi get di rait wod fi se.

Matyu 13:22

Di wan we jrap iina makabush, a uu ier Gad wod bot im staat fret bout laif, an aal im kyan tingk bout a ou fi mek moni an get rich. Dem sitn de blak Gad wod, so it no du notn difrant iina dem laif.

Matyu 6:34

So no bada wori an fret bout tumaro; tumaro wi tek kier a itself. Aftaraal, tide av fi it uona set a badarieshan.”

Matyu 6:8

Unu no bada gwaan laka dem, kaa fi unu Faada nuo wa unu niid iivn bifuo unu aks im fi it.

Luuk 10:41

Di Laad ansa ar se, “Maata, Maata, yu a bada bada yuself bout uol iip a sitn,

Luuk 12:22

So Jiizas tel im speshal falara dem se: “No bada fret bout unu laif, a wori op unuself bout wa unu a-go iit, ar wa unu a-go wier.

Luuk 12:29

No kip aan a fret bout wa unu fi nyam ar jringk; no wori op unuself bout dat.

Luuk 18:1

Den Jiizas tel im speshal falara dem da tuori ya fi shuo dem se dem fi aalwiez prie an no gi op.

Luuk 18:7

So unu no tingk se Gad a-go gi di piipl dem we im pik jostis, iihn, di wan dem we baal tu im die an nait? Unu tingk se im wi kip aan a put dem aaf?

1 Korintiyan 7:21

Ef yu a did wan sliev wen yu staat biliiv iina Gad, no mek dat bada yu. Bot ef yu av wan wie we yu kyan get frii, den du it.

1 Korintiyan 7:32

Mi no waahn unu fi afi wori bout notn. Di man we no marid onggl bizniz wid Gad wok an wa im waahn im fi du. Im onggl waahn Gad fi api wid im.

2 Korintiyan 1:11

Unu mos prie se Gad wi elp wi tu. Kaaz wen Gad ansa unu prieya an bles wi, nof ada piipl wi staat fi gi Gad tangks fi aal we im du fi wi.

Ifiijan 5:20

Unu fi gi tangks tu Faada Gad aal di taim fi evriting. Unu fi gi im tangks siek-a wa di Laad Jiizas du fi unu.

Ifiijan 6:18

An evritaim unu a prie, mek di Uoli Spirit liid unu. An no mata wa, no tap aks Gad fi elp unu an aal a im piipl iina evriting. Nou dat unu nuo aal a dem sitn ya, wach out an kip unu yai dem waid uopm aal di taim.

Koloshan 3:15

Krais Jiizas gi unu piis. So mek di piis we im gi unu tek kanchuol a unu aat. Im kaal unu fi kom liv iina piis wid unu wan aneda laik ou a di uol a unu kom tugeda an mek op di wan badi. An gi Gad tangks tu.

Koloshan 3:17

An no mata wa unu du: no mata wa unu se ar du, unu fi memba se unu a di Laad Jiizas falara, so du wa unu du laik sumadi we a fala im. Wen unu a du dat, unu wi a gi Faada Gad tangks. An unu wi kyan gi im tangks, siek-a wa Krais Jiizas du fi unu.

Koloshan 4:2

No tap prie. Unu fi wach out an get unu main redi fi akshan an gi Gad tangks wen unu a prie.

1 Timoti 2:1

So fos ting fos, mi a beg yu an di piipl dem fi prie fi evribadi. Beg Gad fi kom chuu fi dem. Gi Gad tangks fi dem an aks im fi gi dem aal we dem niid.

1 Timoti 5:5

A di uman we ozban ded an we no av no fambili, a di wan di choch mos elp. Shi a di wan we chos iina Gad wid aal ar aat, prie nait an die, an aks Gad fi elp ar.

1 Piita 4:7

Bot, di taim wen aal a dis a-go don suun kom. So klier unu ed an staat tingk chriet, get unu main redi fi akshan, kanchuol unuself an staat liv siiros. Du aal a dat so dat unu kyan prie.

1 Piita 5:7

Evriting we unu a wori an fret bout, gi it tu im, kaaz im kier bout unu.