Filipiyan 4:18 - Di Jamiekan Nyuu Testiment

¹⁸ Mi get aal a di sitn dem we unu sen. An nou, mi av muor dan we mi niid. So, mi gud nou, kaaz Epafrodaitos gi mi evriting we unu sen kom. Aal a we unu sen kom, komiin laik di swiit sumel we kom fram sakrifais we Gad lov. An Gad api wid dat.

Filipiyan 4:18 ပူးပေါင်းရင်းမြစ်များ

Aks 10:4

Kaaniiliyos faasn im yai pan di ienjel an staat kech im fried. Im aks, “A wa Laad?” Di ienjel ansa im se, “Gad ier yu prieya dem, an im si di gud sitn dem we yu du fi puo piipl. Gad memba di sitn dem we yu du, an tu im dem komiin laik wan sakrifais.

Ruoman 12:1

So den breda an sista, sins Gad gud an kain tu unu nof nof, mi a beg unu du, gi op unu laif tu Gad laik wan sakrifais — wan sakrifais we alaiv, we de de fi sorv Gad an we Gad kyan api wid. Dat a ou unu fi worship Gad.

2 Korintiyan 11:8

A laik se mi did a tiif di ada choch dem, kaaz mi did tek moni fram dem so dat mi kuda kom elp unu.

2 Korintiyan 9:12

So wen unu shier wa unu av wid di Juu dem iina Judiya we biliiv iina Krais Jiizas, unu no onggl a gi dem wa dem niid, bot unu a kaaz dem fi gi Gad tangks nof nof.

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

Filipiyan 4:12

Mi nuo ou it fiil fi no av notn an mi nuo ou it fiil fi av nof. Mi lorn ou fi satisfai iina evriting no mata wa apm, weda mi onggri ar mi beli ful, weda mi av nof ar mi no av notn.

2 Tesaluoniyan 1:3

Breda an sista, wi fi gi Gad tangks fi unu aal di wail — an dat a di rait ting tu. Wi fi gi tangks, kaaz unu a chos iina Gad muo an muo an a lov unu wan aneda muo an muo tu.

Iibruu 13:16

An no figet fi du wa gud, an fi shier we unu av, kaaz Gad lov dem kain-a sakrifais de.

1 Piita 2:5

So unu fi kom tu di Laad laik stuon we a liv tu. An mek Gad Spirit yuuz unu fi bil op Gad ous. Iina da ous de unu a-go bi wan gruup a priis fi Gad — an fi Gad wan. An unu a-go bon sakrifais we Gad Spirit se unu fi bon, an im wi tek da sakrifais de siek-a wa Jiizas Krais du.