Filipiyan 4:12 - Di Jamiekan Nyuu Testiment

¹² Mi nuo ou it fiil fi no av notn an mi nuo ou it fiil fi av nof. Mi lorn ou fi satisfai iina evriting no mata wa apm, weda mi onggri ar mi beli ful, weda mi av nof ar mi no av notn.

Filipiyan 4:12 ပူးပေါင်းရင်းမြစ်များ

Matyu 11:29

Jos laka ou di kou tek di wudn yuok pan dem shuolda, a so unu fi tek op di sitn dem we mi tel unu fi du, an tek iin wa mi a tiich, kaa mi wi tek taim wid unu, an mi riili ombl, an unu wi get fi res unu suol.

2 Korintiyan 11:27

Mi chogl an wok aad aad, nof nait mi no get no sliip. Mi did onggri an waahn sopm fi jringk an nof taim neva av no fuud fi iit. Yu did av taim wen mi kuol an no av inof kluoz fi kip mi waam.

2 Korintiyan 11:9

Wen mi did de mongks unu an wel niid som tingz mi neva aks unu fi notn, kaaz wi breda an sista dem we did kom fram Masiduoniya did bring evriting we mi niid. Mi neva presha non a unu fi notn an mi naa go presha non a unu fi notn niida.

2 Korintiyan 11:7

Wen mi priich Gad Gud Nyuuz bout Jiizas tu unu, mi did du it fi frii, mi neva chaaj unu notn. Mi put miself dong luo so dat mi kuda lif unu op. A sin mi did a sin wen mi du dem sopm de?

2 Korintiyan 10:10

Kaaz som piipl se, “Im rof wen im a rait wi. Iina im leta dem im taak tu wi aad bot wen im de mongks wi im saaf an wa im tel wi no wot notn.”

2 Korintiyan 10:1

Som piipl se mi saaf wen mi de de mongks unu bot gwaan laik mi rof wen mi de faar. Bot mi, Paal, mi a beg unu, iina Jiizas niem, Jiizas we kain an jengkl,

Matyu 13:52

Den im se tu dem se, “So, aal a di Laa tiicha dem we ton wan falara fi Gad kindom, dem komiin laik sumadi we uon wan ous an im tek outa im bochri uol sitn an nyuu sitn.”