Filipiyan 4:10 - Di Jamiekan Nyuu Testiment

¹⁰ Mi riili api an mi priez di Laad se unu memba mi agen. Mi nuo se unu aalwiez memba mi, bot unu neva av no chaans fi du we unu did riili waahn fi du fi mi.

Filipiyan 4:10 ပူးပေါင်းရင်းမြစ်များ

2 Korintiyan 11:9

Wen mi did de mongks unu an wel niid som tingz mi neva aks unu fi notn, kaaz wi breda an sista dem we did kom fram Masiduoniya did bring evriting we mi niid. Mi neva presha non a unu fi notn an mi naa go presha non a unu fi notn niida.

2 Korintiyan 6:7

Wi onggl tiich di chuut an Gad powa a wok iina wi. An siem laik ou suoja yuuz di wepan iina dem lef an fi protek demself an di wan iina dem rait an fi fait di piipl dem we a kom gens dem a siem so di gud we wi du wi fait an protek wi fram evriting we wuda kom gens wi.

Gyalieshan 6:10

So wen-eva wi av di chaans fi du gud, mek wi du it. Mek wi du gud fi evribadi, wos ef dem a paat a Gad fambili an biliiv iina Jiizas laik wi.

Gyalieshan 6:6

Unu we a lorn Gad wod mos shier aal a di gud sitn dem we unu av wid unu tiicha.

Filipiyan 1:1

Da leta ya a kom fram mi, Paal. Timoti de ya wid mi tu. Di tuu a wi a Krais Jiizas sliev. Mi a rait tu aal a unu we liv iina Filipai we chos Krais Jiizas. An mi a rait tu aal a di bishop an di diikan dem tu.

Filipiyan 1:3

Evritaim mi memba unu, mi gi Gad tangks fi unu.

Filipiyan 2:30

Kaaz im aalmuos ded siek-a wa im did a du fi Krais Jiizas. Iivn duo im nuo se im kuda ded, im du fi mi di sitn dem we unu kudn du.