Filipiyan 3:8 - Di Jamiekan Nyuu Testiment

⁸ Bot a no onggl dat, mi si se aal a dem sitn de no wot notn. Dem kyaahn kom kluos tu di powa we kom wen yu nuo mi Laad Jiizas Krais. Wen yu nuo Jiizas Krais, notn at aal kyaahn kom kluos tu dat. Evriting els komiin laik gyaabij tu mi nou. Mi gi op evriting fi get fi nuo Krais Jiizas an dat a di onggl ting we mata tu mi nou.

Filipiyan 3:8 ပူးပေါင်းရင်းမြစ်များ

Ruoman 8:18

Aal di sofa wi a sofa nou, mi shuor se notn wi go chuu kyan mach op tu aal a wa Gad a-go gi wi lieta.

Aks 20:24

Bot fi mi laif no wot notn tu mi kaaz di onggl ting we mi a liv fa a fi mek shuor se mi don mi wok an du aal we mi Laad Jiizas gi mi fi du, fi tel evribadi bout di Gud Nyuuz — ou Gad lov wi, iivn duo wi no dizorv it.

Filipiyan 3:7

Bot aal a dem sitn de wa mi yuus tu dipen pan fi mek mi rait iina Gad yai, dem komiin laik gyaabij nou. Dem no mek no sens nou dat mi an Krais Jiizas kluos.

Jan 17:3

Fi liv fi eva miin se dem nuo yu, di onggl wan we a riili Gad, an dat dem nuo Jiizas Krais, di wan yu sen kom.

Filipiyan 3:10

Aal mi kier bout a fi nuo Krais Jiizas, an dat di powa we mek im kom bak alaiv wi wok iina mi. Mi waahn fi kyan go chuu eniting we mi afi sofa fi du we Gad waahn mi fi du, siem laik ou Krais Jiizas go chuu we im did sofa fi du we Gad did waahn im fi du. An siem laik ou im ded fi di rait riizn, mi mek op mi main fi ded fi im tu,

2 Piita 1:3

Im tek fi im uona powa an gi wi evriting we wi niid fi liv di kain-a laif we im waahn wi fi liv. An dis apm onggl kaaz wi lorn muo an muo bout im. Im a di wan we kaal wi fi shier iina uu im bi — wid aal a im powa an di priez an ana we piipl gi im.

1 Korintiyan 2:2

Kaaz mi did mek op mi main se wail mi did de de wid unu, mi wuda onggl priich bout Jiizas Krais an ou dem kil im pan di kraas.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.

Jan 17:8

kaa mi tel dem bak evriting we yu tel mi an dem biliiv it. Dem nuo fi shuor se a yu mi kom fram an dem biliiv se a yu sen mi kom.

Jan 14:20

Wen da die de kom, unu a-go si se mi liv iina mi Faada, dat unu liv iina mi an dat mi liv iina unu.

Iibruu 3:14

Kaaz wi an Krais Jiizas, wi staat wok tugeda ef wi gwaan uol aan an chos iina im no mata wa, laik ou wi yuus tu du wen wi did fos staat biliiv iina im.

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.

Jan 14:7

Nou ef unu nuo mi fi chuu, den unu wuda nuo mi Faada tu. Fram nou aan, unu nuo im an unu si'im.”

Ifiijan 4:13

chrang, so til di uol a wi ton wan; wan, kaaz aal a wi chos iina Gad Bwai Pikni iina di siem wie, an aal a wi gruo op an biyiev jos laik im.

2 Piita 3:18

Gwaan mek wi Laad Jiizas Krais we siev wi, lov unu an chriit unu gud, an unu fi gwaan lorn muo an muo bout im tu. Mi prie se im wi get di priez, tide, tumaro an fi eva! Iemen.

1 Jan 1:3

Wa wi did si an ier a dat wi a tel unu tu. Wi a tel unu so dat unu kyan muuv kluos wid wi, an wi a muuv kluos wid di Faada an wid im Bwai Pikni Jiizas Krais.

2 Timoti 4:6

Kaaz jos laik wen dem puor out wain wen dem don bon sakrifais, a siem so mi laif an di wok we mi a du fi Gad suun don.

Jan 20:28

Den Tamas se tu im se, “Yu a mi Laad an mi Gad!”

Jan 16:3

Dem a-go du aal a dem sitn ya, kaa dem no nuo mi ar mi Faada.

1 Jan 2:19

Dem piipl de lef fram mongks unu, bot dem a neva did riili paat a unu at aal. Ef dem a did paat a unu dem wuda tan wid unu. Bot wen dem lef, dat shuo se dem a neva paat a unu choch at aal at aal.

1 Piita 2:7

Nou, fi aal a unu we biliiv iina di Laad, da stuon ya wot nof nof. Bot fi di wan dem we no biliiv, “Di stuon we di bilda dash wan said — a it ton di mien stuon,”

Gyalieshan 1:16

im mek mi nuo im Bwai Pikni, Jiizas, so dat mi kuda tiich di piipl dem we a no Juu bout im. Mi neva go taak tu nobadi wen dem sitn de apm tu mi,

2 Korintiyan 4:4

Dem no biliiv kaaz di devl we ruul da worl ya, blain dem so dat dem kyaahn si di lait. Im blain dem so dat dem kyaahn andastan di Gud Nyuuz bout Krais Jiizas. Im mek it so dat dem kyaahn andastan se Jiizas a jos laik Gad.

1 Korintiyan 9:10

A no mos wi im a taak bout wen im se dat? Yes, it rait dong fi wi, so dat wen di wan we a dig op di grong an di wan we a mash out di grien go du dem wok dem kyan luk faawod tu di grien we dem a-go riip op.

Jan 20:13

Dem aks ar se, “Uman, wa mek yu a baal?” “Dem tek we mi Laad,” shi se tu dem, “an mi no nuo we paat dem put im.”

Luuk 11:20

Bot ef a Gad gi mi powa fi ron out diiman, dat miin se Gad a ruul mongks unu aredi.

Luuk 1:43

Ou mi bles so, dat di mada a mi Laad kom luk fi mi?

Ruoman 8:39

Mi nuo fi shuor se, notn we de wie op iina di skai ar we de anda di ort kyan mek im tap lov wi. Az a matarafak, notn we Gad mek, notn at aal kyan tek we di lov we kom fram Gad an we Krais Jiizas shuo wi.

Filipiyan 1:1

Da leta ya a kom fram mi, Paal. Timoti de ya wid mi tu. Di tuu a wi a Krais Jiizas sliev. Mi a rait tu aal a unu we liv iina Filipai we chos Krais Jiizas. An mi a rait tu aal a di bishop an di diikan dem tu.

Filipiyan 3:12

Mi naa se mi riich we mi waahn fi riich aredi, ar dat evriting we Jiizas kaal mi fa mi a it aredi. Bot mi a pres aad aad fi ton di kain-a sumadi Krais Jiizas pik an waahn mi fi bi.

2 Piita 1:2

Mi prie se Gad wi aalwiez shuo unu im lov an mek unu api aal di taim wen unu a lorn muo an muo bout im an bout wi Laad Jiizas.

2 Piita 1:8

Ef unu av dem kain-a wiez ya, an unu riili nuo di Laad Jiizas Krais, dem sitn ya wi gruo muo an muo iina unu aat. An gud sitn wi apm iina unu laif.