Filipiyan 3:16 - Di Jamiekan Nyuu Testiment

¹⁶ Eniwie, mek wi gwaan uol aan pan wa Gad mek wi nuo aredi.

Filipiyan 3:16 ပူးပေါင်းရင်းမြစ်များ

Ruoman 12:16

Liv gud wid unu wan aneda. No get ful-a unuself an fiil laik se unu kyaahn du sortn wok ar taak tu sortn an sortn piipl. Insted-a dat ombl unuself.

Ruoman 15:5

Mi prie se Gad, Gad uu kyan mek piipl chrang an kaaz dem fi eng aan an no gi op, mi prie se im wi kaaz unu fi liv iina piis wid unu wan aneda wail unu a fala Krais Jiizas.

Gyalieshan 5:7

Unu did a ron so aad an a gwaan so gud! A uu kaaz unu fi tap fala an biliiv iina di chuut?

Gyalieshan 6:16

Fi evribadi we grii wid mi — mi prie se Gad wi gi dem piis an dat im wi gud an kain tu dem an aal a im piipl dem.

Filipiyan 1:27

So mek shuor se unu liv ou di Gud Nyuuz bout Krais Jiizas se unu fi liv. Da wie de weda mi kom luk fi unu, ar mi no kom, mi wi ier se aal a unu a tan op chrang tugeda fi di siem ting an a fait fi wa unu biliiv bout di Gud Nyuuz.

Filipiyan 2:2

So mi beg unu mek mi aat wel api: lov unu wan aneda iina di siem wie an kom tugeda an biliiv di siem sitn. Aal a unu fi waahn di siem sitn an unu fi wok tugeda fi di siem riizn.

Filipiyan 4:2

Mi a beg Yuodiya an mi a beg Sinteki, fi di Laad siek, liv gud wid unu wan aneda.

Koloshan 2:6

Sins unu tek Krais Jiizas fi unu Laad, unu fi liv laik sumadi we kluos tu im.

Koloshan 4:2

No tap prie. Unu fi wach out an get unu main redi fi akshan an gi Gad tangks wen unu a prie.

Revilieshan 3:3

So memba di mesij we unu did ier an biliiv; du we it se, ton we fram unu sin. Ef unu no wiek op, mi a-go kom tu unu laik wan tiif, an unu naa go nuo di taim wen mi a-go kom gens unu.