Filipiyan 3:12 - Di Jamiekan Nyuu Testiment

¹² Mi naa se mi riich we mi waahn fi riich aredi, ar dat evriting we Jiizas kaal mi fa mi a it aredi. Bot mi a pres aad aad fi ton di kain-a sumadi Krais Jiizas pik an waahn mi fi bi.

Filipiyan 3:12 ပူးပေါင်းရင်းမြစ်များ

Matyu 5:48

So ier mi nou, unu no fi gud onggl somtaim an onggl tu som piipl; nobadi no fi av notn bad fi se bout unu, tan jos laik unu faada we iina evn — im gud aal di wail, tu evribadi, an nobadi kyaahn se notn bad bout im an a taak chuut.”

Aks 9:15

Bot di Laad se tu Ananaiyas se, “Gwaan! Kaaz mi pik da man ya fi sorv mi. Mi pik im fi go tel piipl bout mi, piipl we a no Juu, di king dem an di Izrel piipl dem tu.

Ruoman 8:39

Mi nuo fi shuor se, notn we de wie op iina di skai ar we de anda di ort kyan mek im tap lov wi. Az a matarafak, notn we Gad mek, notn at aal kyan tek we di lov we kom fram Gad an we Krais Jiizas shuo wi.

1 Korintiyan 13:10

wen Jiizas Krais kom bak an evriting don wid, wi naa go niid dem gif de agen.

1 Korintiyan 13:12

Kaaz jos laik ou wen wi luk pan wiself iina wan shain piis a metal, wi kyaahn mek out evriting, a siem so wi tan nou. Wi nuo som tingz bot wi no nuo evriting. Bot wan die wi a-go si Gad fies tu fies an den wi wi nuo an andastan evriting we de de fi nuo bout Gad. Jos laik ou Gad nuo evriting bout wi.

1 Korintiyan 9:24

Unu no nuo se aal di rona dem we go a stiediyom ron gens dem wan aneda, bot a onggl wan a dem kyan win? So unu mos ron laik se unu waahn fi win.

2 Korintiyan 13:9

Wi api wen unu chrang an wi wiik an wa wi a prie se, a dat Gad wi mek unu gwaan gruo chrang iina wa unu biliiv.

2 Korintiyan 7:1

Mi gud gud fren, sins Gad mek dem pramis ya tu wi, mek wi stie faar fram sin an kip wi badi an wi spirit kliin. Mek wi rispek Gad an gi im evri paat a wi. Mek wi chrai fi bi muor laik im.

Gyalieshan 5:17

Kaaz di rang sitn dem we di badi waahn fi du, di Spirit no waahn dat. An di sitn dem we di Spirit waahn fi du, di badi no waahn dat. Di tuu a dem eva a fait wid dem wan aneda, a so mek unu kyaahn aalwiez du wa unu waahn fi du.

Ifiijan 1:4

Fram wie bak wen, bifuo Gad mek di worl, im pik wi an mek wi an Jiizas wan. Im pik wi, so dat wi kyan liv kliin an no av notn bad iina wi laif fi kip wi we fram im. Siek-a ou im lov wi,

Ifiijan 4:12

Im du aal a dis ya fi get Gad piipl redi fi du Gad wok an fi elp di choch fi gruo chrang

Filipiyan 1:1

Da leta ya a kom fram mi, Paal. Timoti de ya wid mi tu. Di tuu a wi a Krais Jiizas sliev. Mi a rait tu aal a unu we liv iina Filipai we chos Krais Jiizas. An mi a rait tu aal a di bishop an di diikan dem tu.

Filipiyan 3:16

Eniwie, mek wi gwaan uol aan pan wa Gad mek wi nuo aredi.

Filipiyan 3:3

Bot a wi a di piipl we riili get sorkomsaiz — no dem. Wi a di wan we worship Gad iina di Spirit, priez Krais Jiizas, an no buos aaf bout uu wi bi.

Filipiyan 3:8

Bot a no onggl dat, mi si se aal a dem sitn de no wot notn. Dem kyaahn kom kluos tu di powa we kom wen yu nuo mi Laad Jiizas Krais. Wen yu nuo Jiizas Krais, notn at aal kyaahn kom kluos tu dat. Evriting els komiin laik gyaabij tu mi nou. Mi gi op evriting fi get fi nuo Krais Jiizas an dat a di onggl ting we mata tu mi nou.

1 Tesaluoniyan 5:15

Mek shuor se nobadi no chriit sumadi bad kaaz dat de sumadi did chriit dem bad, bot unu fi aalwiez chrai fi diil wid unu wan aneda gud, an diil wid ada piipl gud tu.

2 Tesaluoniyan 2:13

Bot breda an sista, wi afi gi Gad tangks fi unu aal di wail. Di Laad lov unu an so im pik unu an kaal unu fi get siev fram iivn bifuo im mek di worl. Di Spirit kliin unu op fi Gad, an unu biliiv iina di chuut tu, so unu get siev.

1 Timoti 5:10

Ef shi a-go go pan di lis, piipl mos nuo ar fi di gud sitn dem we shi du. Dem mos nuo ar kaaz shi bring op ar pikni dem gud, aalwiez uopm op ar yaad tu piipl an shi wash di fut a di biliiva dem. Dem mos nuo ar kaaz shi elp enibadi we niid elp an kaaz shi du aal kain-a gud sitn.

1 Timoti 6:19

Ef dem du dis, dem wi bil wan salid fyuucha fi demself an wi get di laif we Gad pramis.

Iibruu 12:14

Chrai aad fi liv iina piis wid evribadi, an chrai fi no dabl-dabl iina sin bot tan gud an kliin kaaz nobadi naa get fi si Gad ef dem no gud an kliin.

Iibruu 12:23

Unu kom wich paat di fos set a pikni we a fala Krais Jiizas gyada op. Fi dem niem don rait dong iina evn aredi. Unu kom tu Gad tu, we joj evribadi. An unu kom tu dem piipl de we du rait iina Gad yai. Gad don mek dem rait iina evri wie.

Iibruu 13:21

wi gi unu aal a di gud sitn dem we impuotant fi go du wa im waahn unu fi du. Mi prie tu se im wi mek wi ton aal a wa im waahn wi fi ton. An dis wi apm kaaz im wi mek Krais Jiizas du dat. Di piipl dem fi priez Krais Jiizas fi eva an eva an lif im op. Iemen.

Jiemz 3:2

Aal a wi du rang sitn nof taim. Bot ef sumadi neva se notn rang yet dem no av no sin at aal. Kaaz ef nobadi kyan kanchuol dem tong dem kyan kanchuol dem uol badi tu.

1 Piita 5:10

Bot afta unu sofa likl, di Gad we lov unu so til, we no uol bak non a im lov fram unu, im sed wan we kaal unu fi enjai im powa we kyaahn don, kaaz unu a fala Krais Jiizas — im a-go fiks bak evriting fi unu agen, an di chos unu chos iina im, im a-go mek dat chrang chrang. Im a-go mek unu aat chrang tu, so unu kyan anggl di sofarieshan. An im a-go mek shuor se unu tan op chrang iina im no mata ou rof it mait-a get.

2 Piita 3:18

Gwaan mek wi Laad Jiizas Krais we siev wi, lov unu an chriit unu gud, an unu fi gwaan lorn muo an muo bout im tu. Mi prie se im wi get di priez, tide, tumaro an fi eva! Iemen.