Filipiyan 2:30 - Di Jamiekan Nyuu Testiment

³⁰ Kaaz im aalmuos ded siek-a wa im did a du fi Krais Jiizas. Iivn duo im nuo se im kuda ded, im du fi mi di sitn dem we unu kudn du.

Filipiyan 2:30 ပူးပေါင်းရင်းမြစ်များ

Aks 20:24

Bot fi mi laif no wot notn tu mi kaaz di onggl ting we mi a liv fa a fi mek shuor se mi don mi wok an du aal we mi Laad Jiizas gi mi fi du, fi tel evribadi bout di Gud Nyuuz — ou Gad lov wi, iivn duo wi no dizorv it.

Ruoman 16:4

an dem put demself iina siiros chobl fi mi — dem did redi fi ded fi mi. Mi kyaahn tangk dem inof, an a no jos mi a tel dem tangks bot aal a di piipl we go a di choch dem fi piipl we a no Juu, a tangk dem tu.

1 Korintiyan 15:53

Kaaz di badi dem we wi av nou wi ded an ratn an so wi afi chienj dem an get wan badi we kyaahn ded. Di sitn dem we kyan ded afi go chienj an ton iina sitn we kyaahn ded.

1 Korintiyan 16:10

Nou ef Timoti kom tu unu, mek shuor se unu no du notn we wi kaaz im fi fried a unu. Tek im iin an chriit im gud, kaaz jos laik mi, im a du Gad wok.

1 Korintiyan 16:17

Mi did api fi si Stefanos, Faachyunietos an Akaikos dem kom, kaaz wen dem de ya wid mi it komiin laik se a unu de ya.

2 Korintiyan 12:15

Mi api fi gi op aal we mi av, aal gi we miself, mi wi du aal we mi kyan du fi elp unu. Nou ef mi lov unu so moch, unu fi lov mi les dan dat?

2 Korintiyan 4:12

Wi nuo se wan die dem a-go kil wi kaaz wi priich bout Jiizas, bot wi wi gwaan tiich kaaz unu wi get a chaans fi nuo Jiizas an liv fi eva.

Filipiyan 2:17

Bot iivn ef dem kil mi an jrien out mi blod laik wain we dem chuo pan sakrifais gi Gad, kaaz unu biliiv iina im an a sorv im, mi wi api. Ye! Mi an unu a-go api tugeda.

Filipiyan 2:27

An im riili did sik fi chuu. Likl muos im ded, bot Gad tek piti pan im. An a no im wan Gad tek piti pan. Im tek piti pan mi tu, kaaz im neehn waahn mi fi av chobl pan tap a chobl.

Filipiyan 4:10

Mi riili api an mi priez di Laad se unu memba mi agen. Mi nuo se unu aalwiez memba mi, bot unu neva av no chaans fi du we unu did riili waahn fi du fi mi.

Filipiyan 4:18

Mi get aal a di sitn dem we unu sen. An nou, mi av muor dan we mi niid. So, mi gud nou, kaaz Epafrodaitos gi mi evriting we unu sen kom. Aal a we unu sen kom, komiin laik di swiit sumel we kom fram sakrifais we Gad lov. An Gad api wid dat.

Failiiman 1:13

Mi iina prizn kaaz mi tiich bout Jiizas an wail mi de ya mi wuda lov fi kip im ya wid mi, so im kuda elp mi laik ou yu wuda elp mi ef yu did de ya.

Revilieshan 12:11

Gad piipl biit di devl an no gi iin tu di sitn dem we im waahn dem fi du, kaaz dem neva tap biliiv iina Jiizas we did gi op im laif pan di kraas fi dem. An dem neva tap pred di Gud Nyuuz bout Jiizas. An dem neva lov dem laif so moch dat dem wuda fried fi ded.