Filipiyan 2:21 - Di Jamiekan Nyuu Testiment

²¹ Kaaz evribadi els onggl a luk out fi demself. Dem no bizniz bout notn we Jiizas Krais kier bout.

Filipiyan 2:21 ပူးပေါင်းရင်းမြစ်များ

Matyu 16:24

Den Jiizas se tu aal a im falara dem se, “Ef sumadi waahn fi ton wan a mi falara dem, dem afi figet bout wa dem waahn, tek op dem kraas an fala mi.

Luuk 14:26

“Ef sumadi kom tu mi an no lov mi muo dan ou dem lov dem faada an mada, waif an pikni, breda an sista, iivn dem uona laif, dem kyaahn fala mi.

Aks 13:13

Paal an di man dem we did a chravl wid im siel fram Pafos go a Porga iina Pamfiliya, bot Jan lef dem an ton bak go a Jeruusilem.

Aks 15:38

Bot Paal neva tingk it rait fi tek im wid dem. Im tan op chrang gens it, kaaz di fos taim wen dem did a pred di Gud Nyuuz, wen dem riich a Pamfiliya, Jan Maak did ton bak bifuo dem don di wok.

1 Korintiyan 10:24

Nobadi fi a luk out fi demself wan, dem fi a luk out fi dem nieba dem tu.

1 Korintiyan 10:33

Unu fi du laik mi. Mi chrai fi du tingz we wi kaaz evribadi fi api. Mi no du tingz fi elp miself wan bot mi du tingz we wi elp evribadi. Mi du dat so dat evribadi kyan get siev.

1 Korintiyan 13:5

Dem no disrispek ada piipl an dem no du tingz fi elp demself wan. Piipl we av lov iina dem aat no iizi fi get beks an dem no av op piipl iina dem aat.

2 Korintiyan 1:5

Wi an Jiizas a wan, so wi afi go sofa uol iip siem laik im. Bot jos laik ou wi did afi sofa, a siem so im a-go elp wi an tek kier a wi nof nof kaaz wi an im a wan.

Filipiyan 2:4

An unu no fi luk out onggl fi unuself wan, bot unu fi kier bout unu breda an sista dem tu.

2 Timoti 1:15

Yu nuo se evribadi roun a Iezha said ton dem bak pan mi, aal di wan Fijilos an di wan Ormajinis.

2 Timoti 3:2

Piipl onggl a-go bizniz wid demself an dem a-go lov moni. Dem a-go gwaan buosi-buosi an ful-a demself. Dem a-go kos out an biit op biit op dem wan aneda an dem naa go fala wa dem mada an faada se. Piipl naa go gi tangks fi notn an dem naa go av notn fi du wid Gad.

2 Timoti 4:10

Kaaz Diimas gaan lef mi an gaan dong a Tesalonaika, kaaz im lov da worl ya. Kresens gaan a Gyaliesha an Taitos gaan a Dalmatiya.

2 Timoti 4:16

Wen mi did go a kuot fi di fos taim fi chrai difen miself nobadi neva kom sopuot mi, di uol a dem lef mi fi fen fi miself. Mi uop Gad no uol it gens dem.