Filipiyan 2:20 - Di Jamiekan Nyuu Testiment

²⁰ Kaaz mi no av nobadi els laik im we riili kier bout unu an ou unu du.

Filipiyan 2:20 ပူးပေါင်းရင်းမြစ်များ

Filipiyan 2:2

So mi beg unu mek mi aat wel api: lov unu wan aneda iina di siem wie an kom tugeda an biliiv di siem sitn. Aal a unu fi waahn di siem sitn an unu fi wok tugeda fi di siem riizn.

Filipiyan 2:22

Bot unu wel nuo se di wie ou Timoti liv shuo se im riili wok gud fi chuu, kaaz siem laik ou wan faada an im bwai pikni wok wid dem wan aneda, a siem so im wok kluos wid mi fi pred di Gud Nyuuz.

1 Korintiyan 16:10

Nou ef Timoti kom tu unu, mek shuor se unu no du notn we wi kaaz im fi fried a unu. Tek im iin an chriit im gud, kaaz jos laik mi, im a du Gad wok.

Jan 12:6

(Nou, im neehn a se so kaaz im did kieta bout puo piipl; a chuu im a did tiif. A im did a luk aafa di chred bag, an im yuus tu tiif out wa dem put iin de.)

Jan 10:13

Di sumadi we get pie fi luk aafa di shiip dem ron we kaaz im onggl bizniz bout di moni. Im no kieta bout di shiip dem.

2 Timoti 1:5

Mi memba ou yu chos iina Gad nof nof. Jos laik ou yu mada Yuunis an yu granmada Lai did biliiv iina Gad an did chos iina im nof nof tu. Mi shuor se jos laik dem yu biliiv an chos iina Gad nof nof tu.

1 Timoti 1:2

Timoti, yu komiin laik se yu a riili fi mi pikni kaaz di tuu a wi biliiv an chos iina di siem Gad. Mi prie se wi faada Gad an wi Laad Jiizas Krais wi gud an kain tu yu, shuo yu lov iivn duo wi no dizorv it an gi yu piis iina yu aat.

Koloshan 4:11

An Jiizas, we piipl kaal Jostos, im sen oudi tu. Dem chrii man ya a di onggl Juu we a wok wid mi fi get piipl fi staat fala Gad an tek im fi dem king an mek im ruul uova dem. An bwai, dem elp an push mi uol iip.

Ruoman 15:5

Mi prie se Gad, Gad uu kyan mek piipl chrang an kaaz dem fi eng aan an no gi op, mi prie se im wi kaaz unu fi liv iina piis wid unu wan aneda wail unu a fala Krais Jiizas.

1 Timoti 4:6

Timoti, yu wi bi wan gud sorvant fi Jiizas Krais ef yu tiich di piipl di chuut bout dem sitn ya, gwaan kip di chuu mesij bout Krais Jiizas kluos tu yu aat an gwaan fala di chuu sitn dem we mi did tiich yu.

2 Timoti 3:10

Bot yu Timoti, yu fala wa mi tiich an yu fi liv yu laif laik ou mi liv fi mi laif. Yu nuo wa mi waahn fi du an wa mi biliiv iina. Yu si ou mi lov piipl an ou mi put op wid chobl an neva tap no mata wa.