Filipiyan 2:12 - Di Jamiekan Nyuu Testiment

¹² So mi gud fren, unu si siem laik ou unu aalwiez du we Gad waahn unu fi du, no onggl wen mi de de wid unu bot wos laik ou mi no de de, gwaan du di sitn dem we wi mek piipl si se Gad siev unu an unu av nof rispek fi im iina evriting we unu a du.

Filipiyan 2:12 ပူးပေါင်းရင်းမြစ်များ

1 Korintiyan 15:58

Mi breda an sista tan op chrang an no mek notn mek yu tap biliiv. Mek shuor se unu eva a du di Laad wok sins unu nuo se aal we unu du fi Gad — unu naa du fi notn.

Iibruu 4:11

So wi fi chrai aad aad fi mek shuor se wi get da kaina res de we Gad gi, so nobadi no mis di chaans fi get it kaaz dem go du di sed sitn dem we dem faada faada did du — no lisn Gad an no du wa im se dem fi du.

1 Piita 2:11

Mi fren, mi a beg unu du, laik ou unu a farina pan ort, we a-go de ya fi nou mongks chrienja, no bada du wa di badi waahn — di badi a waar wid di suol.

Matyu 11:29

Jos laka ou di kou tek di wudn yuok pan dem shuolda, a so unu fi tek op di sitn dem we mi tel unu fi du, an tek iin wa mi a tiich, kaa mi wi tek taim wid unu, an mi riili ombl, an unu wi get fi res unu suol.

Filipiyan 1:27

So mek shuor se unu liv ou di Gud Nyuuz bout Krais Jiizas se unu fi liv. Da wie de weda mi kom luk fi unu, ar mi no kom, mi wi ier se aal a unu a tan op chrang tugeda fi di siem ting an a fait fi wa unu biliiv bout di Gud Nyuuz.

2 Piita 3:18

Gwaan mek wi Laad Jiizas Krais we siev wi, lov unu an chriit unu gud, an unu fi gwaan lorn muo an muo bout im tu. Mi prie se im wi get di priez, tide, tumaro an fi eva! Iemen.

Iibruu 5:9

An nou dat im go chuu aal a dat, an kom ton aal a we im sopuoz fi bi, im en op ton di wan we siev piipl fi eva, so langks dem du wa im tel dem fi du.

2 Timoti 2:10

An sins di mesij no iina prizn mi wi gwaan sofa fi di piipl dem we Gad pik. So dat Jiizas Krais wi siev dem an so dem kyan liv fi eva wid Gad.

Iibruu 4:1

So wi fi mek shuor se Gad no pramis fi gi wi piis an res an wi en op no get it kaaz wi gilti a sopm.

Iibruu 12:1

So laik ou wan kroud a piipl de aal bout roun wi, an dem shuo wi aredi ou fi chos iina Gad, wi afi dash aaf evriting we a sluo wi dong iina da ries ya. Di sin we tai op wi fut iizi iizi, wi afi dash dem aaf man, an ron di ries we de infronta wi an no wier out pan di wie.

Filipiyan 4:1

Mi breda an sista, mi lov unu, an mi mis an lang fi si unu so til. Unu mek mi api, an mi kyan riili buos bout unu, kaaz unu komiin laik wan kroun we mi get fi mi aad wok. So mi waahn unu fi tan op chrang iina wa unu biliiv bout di Laad.

Ruoman 2:7

Yu av som piipl we a liv rait an we aalwiez a du gud fi ada piipl. Dem piipl de waahn Gad fi taak gud bout dem. Dem waahn im fi big dem op an mek dem liv fi eva. An a dem de piipl de Gad a-go mek liv fi eva an eva.

1 Tesaluoniyan 1:3

Wi no tap prie an gi Faada Gad tangks fi unu kaaz wi memba ou unu du som gud sitn kaaz unu biliiv iina Jiizas. Wi memba ou unu wok wel aad kaaz unu lov im; an wi tingk bout ou unu neva eva tap luk tu im, an so unu kuda pres aan no mata wa.

Filipiyan 1:29

Kaaz Gad so gud tu unu, im gi unu di chaans, no onggl fi biliiv iina Jiizas Krais bot fi sofa fi im tu.

2 Korintiyan 7:15

So wen Taitos tingk bout unu an im memba ou unu did eva redi fi fala wa im tel unu, an ou unu tek im iin an rispek im nof nof, im aat jos ful op a lov fi unu.

1 Korintiyan 2:3

Wen mi did kom tu unu, mi did wiik, an mi did fried so til mi did a chrimbl.

Ifiijan 6:5

Unu si unu we a sliev, unu fi rispek unu maasta an du we dem waahn unu fi du. Unu fi sorv dem wid aal a unu aat, siem laik ou unu wuda du we Krais Jiizas waahn unu fi du.

Matyu 11:12

Fram Jan a priich til nou, wikid piipl a chrai fait gens Gad kindom an powaful piipl chrai fi fuos an tek it uova.

Filipiyan 1:5

Mi api fi unu, kaaz fram di fos die unu biliiv unu staat elp mi pred di Gud Nyuuz, an aal nou unu stil a elp mi.

Aks 9:6

Git op an go iina di toun. Sumadi iin de wi tel yu wa yu mos du.”

Filipiyan 2:19

Mi prie se wi Laad Jiizas wi lou mi fi sen Timoti tu unu suun, so dat dem kyan kom bak an tel mi ou unu a du, an so dat mi no afi wori bout notn.

1 Korintiyan 4:14

Mi naa rait dem sitn ya fi shiem unu. Mi a rait dem fi tiich unu kaaz unu a laik mi pikni dem an mi lov unu.

Filipiyan 4:15

Matarafak, unu we de a Filipai wel nuo se di fos taim wen mi priich di Gud Nyuuz tu unu, an did a lef fi go a Masiduoniya, unu a di onggl choch we gi mi notn.

Aks 16:29

So di waadn kaal tu sumadi fi gi im wan lamp. Im buolt iina di prizn, fling dong imself a Paal an Sailas fut a chrimbl.

Filipiyan 1:6

So mi nuo dis fi shuor se a Gad imself staat op da gud wok ya iina unu, an im naa go tap nou. Im a-go gwaan du we im a du iina unu laif, til Jiizas Krais kom baka ort.