Filipiyan 2:10 - Di Jamiekan Nyuu Testiment

¹⁰ Faada Gad du dat so evribadi iina evn, an pan ort an anda di ort wi afi go dong pan dem nii siek-a di niem Jiizas,

Filipiyan 2:10 ပူးပေါင်းရင်းမြစ်များ

Matyu 12:40

Jos laik ou Juona did de iina di big fish beli fi chrii die an fi chrii nait, a siem so di Man we Gad Pik a-go beri diip iina di grong fi chrii die an chrii nait.

Matyu 27:29

Afta dem mek wan kroun outa makabush, dem put it pan im ed. Dem put piis a tik iina im rait an, an dem niil dong infronta im, an a muuv laik se dem did waahn tek im fi iidiyat. Ier dem no, “Manaz an rispek tu di Juu dem King!”

Matyu 28:18

Den Jiizas kom kom se tu dem se, “Gad gi mi powa uova evriting we a liv iina evn an pan ort.

Ruoman 11:4

Bot wa Gad did tel im? Gad tel im se, “Mi kip fi miself, sevn touzn piipl we neva go dong pan dem nii an worship Bieyal.”

Ifiijan 1:10

Wen Gad mek op im main se di taim rait, im wi mek Jiizas ruul an av powa uova evribadi an uova aal a di sitn dem we iina evn an wa de pan di ort.

Ifiijan 3:14

Sins mi nuo aal a dis, mi go dong pan mi nii an prie tu faada Gad.

Ifiijan 4:9

(Wen taim it se dat “Im go op a wan ai ai plies,” we dat miin? It no miin se im go dong iina di diip diip paat a di ort fos bifuo im go bak op?

Iibruu 1:6

Bot wen Gad bring im fos bwai kom iina di worl, im se, “Aal a Gad ienjel dem — worship im!”

Revilieshan 20:13

Aal a di ded piipl dem we did iina di sii go bifuo Gad fi go get joj. An aal uu did iina di plies we ded piipl de kom bak alaiv an go bifuo Gad fi go get joj fi aal we dem did du.

Revilieshan 4:10

di twenti-fuo elda dem fling dong demself a di fut a di wan we sidong pan di chuon, an gi priez tu di wan we liv fi eva an eva. Dem pudong dem kroun infronta di chuon an se:

Revilieshan 5:3

Bot nobadi iina evn, nobadi pan ort ar nobadi anda di ort kuda uopm di ruol op buk ar iivn luk iina it.