Filipiyan 1:30 - Di Jamiekan Nyuu Testiment

³⁰ Di siem sitn dem we unu did si mi go chuu an ier se mi stil a-go chuu, a di siem sitn unu a diil wid nou.

Filipiyan 1:30 ပူးပေါင်းရင်းမြစ်များ

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Filipiyan 1:13

Matarafak aal a di speshal suoja dem we gyaad di suoja kyamp wich paat mi de an evribadi els ya nuo se mi get lak op iina prizn kaaz mi a priich bout Jiizas Krais.

Koloshan 1:29

A dis mi a wok fa. Mi a wok aad aad. Mi onggl kyan du dis kaaz Krais Jiizas gi mi powa fi du it.

Koloshan 2:1

Mi waahn unu nuo ou aad mi a wok fi unu, an fi di piipl dem we de iina Leyodiisiya an fi aal a uu neva miit mi yet an no nuo wa mi luk laik.

1 Tesaluoniyan 2:2

Unu nuo ou wen wi did de a Filipai di piipl dem we inchaaj did mek wi sofa. Dem shiem wi bad bot Gad gi wi di chrent fi kom tu unu siem wie an kom tel unu di Gud Nyuuz, iivn duo uol iip a piipl did a chrai fi tap wi,

1 Timoti 6:12

Yu chos iina Gad so yu a-go av nof tingz we yu a-go afi chogl chuu. Gwaan tan op chrang an priich Gad wod. Ef yu du dis yu kyan nuo fi shuor se yu a-go liv fi eva. Kaaz dat a di pramis we Gad gi yu wen yu did se dat yu biliiv iina im infronta evribadi.

2 Timoti 4:7

Mi wok aad fi Gad; mi fait fi wa mi biliiv iina. Mi priich Gad wod an du aal a wa Gad tel mi fi du; mi ron da ries ya til it don an no gi op. Mi a-go sorv im til mi ded.

Iibruu 12:1

So laik ou wan kroud a piipl de aal bout roun wi, an dem shuo wi aredi ou fi chos iina Gad, wi afi dash aaf evriting we a sluo wi dong iina da ries ya. Di sin we tai op wi fut iizi iizi, wi afi dash dem aaf man, an ron di ries we de infronta wi an no wier out pan di wie.

Iibruu 12:4

Unu a fait gens sin, bot unu neva yet fait so til blod staat ron.

Revilieshan 12:11

Gad piipl biit di devl an no gi iin tu di sitn dem we im waahn dem fi du, kaaz dem neva tap biliiv iina Jiizas we did gi op im laif pan di kraas fi dem. An dem neva tap pred di Gud Nyuuz bout Jiizas. An dem neva lov dem laif so moch dat dem wuda fried fi ded.