Filipiyan 1:27 - Di Jamiekan Nyuu Testiment

²⁷ So mek shuor se unu liv ou di Gud Nyuuz bout Krais Jiizas se unu fi liv. Da wie de weda mi kom luk fi unu, ar mi no kom, mi wi ier se aal a unu a tan op chrang tugeda fi di siem ting an a fait fi wa unu biliiv bout di Gud Nyuuz.

Filipiyan 1:27 ပူးပေါင်းရင်းမြစ်များ

Matyu 12:25

Nou, Jiizas did nuo wa de iina dem main, so im se tu dem se, “It no mata wich kindom, ef di piipl dem we liv iin de a fait gens dem wan aneda, it naa go laas. An no toun ar fambili we av piipl a fait gens dem wan aneda kyan tan op chrang.

Aks 2:46

Evridie dem miit op iina di yaad we Gad ous de. Dem go a wan aneda ous an iit fuud tugeda an dem aat did wel api. Dem did api fi shier wid wan aneda.

Aks 24:24

Kopl die afta dat wen Fiiliks an im waif Jruusila, we a wan Juu uman riich, im sen fi Paal. Im lisn wen Paal taak bout wa it miin fi biliiv iina Jiizas Krais.

Aks 4:32

Aal a di piipl we biliiv iina Jiizas a did wan iina dem aat an main. Nobadi neva se, ‘Notn mi av a fi mi wan.’ Bot dem shier aal wa dem av mongks dem wan aneda.

Ruoman 1:16

Mi no shiem fi priich di Gud Nyuuz kaaz it powaful. A di Gud Nyuuz Gad yuuz fi siev aal a di piipl we chos iina Jiizas. Im yuuz it fi siev di Juu dem fos an den im yuuz it fi siev di piipl dem we a no Juu.

Ruoman 1:5

Gad kaaz Jiizas fi gud an kain tu mi an fi mek mi wan a im apasl dem, iivn duo mi neva dizorv it. Im mek mi wan apasl so dat mi kuda sorv Jiizas Krais an elp di piipl dem we a no Juu fi biliiv iina im an fala aal a wa im se.

Ruoman 1:9

Mi sorv Gad wid aal a mi aat. A sorv mi a sorv im wen mi priich di Gud Nyuuz bout im Bwai Pikni, an im nuo se wa mi bout fi se a chuu: Mi aalwiez a tingk bout unu.

Ruoman 10:8

Wa els Gad wod se? It se: “Gad mesij de kluos tu unu, it de iina unu mout an iina unu aat.” A da siem mesij de wi a priich; di mesij we se yu afi chos Gad.

Ruoman 15:16

im mek mi wan a Krais Jiizas sorvant dem an sen mi fi wok mongks di piipl dem we a no Juu. Mi a laik wan priis, fi mi jab a fi priich di Gud Nyuuz we Gad gi mi tu di piipl we a no Juu, so dat di Uoli Spirit kyan mek dem kliin an gi dem op tu Gad laik wan sakrifais, wan sakrifais we Gad kyan api wid.

Ruoman 15:29

an mi nuo se wen mi kom de, Krais Jiizas a-go bles unu nof nof.

1 Korintiyan 1:10

Nou iina wi Laad Jiizas Krais niem, mi a beg unu breda an sista fi tap aagyu wid unu wan aneda an plit op plit op di choch iina gruup. Unu niid fi kom tugeda an mek shuor se aal a unu tingk di siem wie an aal a unu mek op unu main fi du di siem sitn.

1 Korintiyan 15:58

Mi breda an sista tan op chrang an no mek notn mek yu tap biliiv. Mek shuor se unu eva a du di Laad wok sins unu nuo se aal we unu du fi Gad — unu naa du fi notn.

2 Korintiyan 13:11

Breda an sista, aal mi av fi se fi don da leta ya a dat mi uop se unu wi api. Chienj unu wiez an liv ou unu sopuoz fi liv. Mi a beg unu lisn an fala aal we mi tel unu. Kom tugeda an biliiv di siem ting an liv iina piis wid unu wan aneda. An Gad we lov wi an we gi wi piis wi tan wid unu aalwiez.

2 Korintiyan 4:4

Dem no biliiv kaaz di devl we ruul da worl ya, blain dem so dat dem kyaahn si di lait. Im blain dem so dat dem kyaahn andastan di Gud Nyuuz bout Krais Jiizas. Im mek it so dat dem kyaahn andastan se Jiizas a jos laik Gad.

2 Korintiyan 9:13

Siek-a wa unu a du, dem wi priez Gad kaaz unu biliiv an fala di Gud Nyuuz bout Krais Jiizas an kaaz unu shier wa unu av wid dem an ada piipl tu.

Gyalieshan 1:7

Dem ada mesij de a no di chuu mesij — a onggl wan chuu mesij de bout. Bot yu av som piipl we a kanfyuuz unu an we waahn fi chienj op di chuu mesij bout Krais Jiizas.

Ifiijan 1:13

An wen unu did ier Gad wod — di chuu mesij we siev unu — wen unu biliiv iina Krais Jiizas, Gad gi unu im Uoli Spirit we im did pramis, fi shuo se unu a fi im.

Ifiijan 1:15

So nou, siek-a aal a dem sitn ya, fram di fos taim mi ier se unu chos iina di Laad Jiizas an dat unu lov Gad piipl,

Ifiijan 4:1

So den, mi we de a prizn kaaz mi a sorv di Laad, a beg unu — unu we Gad pik fi bi im piipl; mi a beg unu fi liv ou Gad waahn unu fi liv.

Filipiyan 1:5

Mi api fi unu, kaaz fram di fos die unu biliiv unu staat elp mi pred di Gud Nyuuz, an aal nou unu stil a elp mi.

Filipiyan 2:12

So mi gud fren, unu si siem laik ou unu aalwiez du we Gad waahn unu fi du, no onggl wen mi de de wid unu bot wos laik ou mi no de de, gwaan du di sitn dem we wi mek piipl si se Gad siev unu an unu av nof rispek fi im iina evriting we unu a du.

Filipiyan 2:24

Bot mi chos di Laad se dem suun frii mi, so mi kyan kom luk fi unu tu.

Filipiyan 3:18

Di sitn dem we mi a tel unu nou mi did tel unu bout dem nof taim aredi. An nou dat mi a tel unu agen, dem a mek mi baal kaaz nof a dem piipl de we a kaal demself Krais Jiizas falara, dem a muuv laik se dem a Krais Jiizas enimi — Krais Jiizas we ded pan di kraas.

Filipiyan 3:20

Bot evn a fi wi konchri. An a de-so di wan we siev wi de, Jiizas Krais wi Laad, an wi kyaahn wiet fi im kom bak!

Filipiyan 4:1

Mi breda an sista, mi lov unu, an mi mis an lang fi si unu so til. Unu mek mi api, an mi kyan riili buos bout unu, kaaz unu komiin laik wan kroun we mi get fi mi aad wok. So mi waahn unu fi tan op chrang iina wa unu biliiv bout di Laad.

Koloshan 1:10

An a so kom unu wi kyan liv laik Gad piipl an eva du di sitn dem we wi mek im api: Unu wi du aal kain-a gud sitn, an get fi riili nuo Gad muo an muo tu.

Koloshan 1:4

Wi tangk im kaaz wi ier se unu chos iina Krais Jiizas, an wi ier ou unu lov aal a Gad piipl dem.

1 Tesaluoniyan 3:6

Bot nou Timoti kom bak kom gi wi gud nyuuz bout ou unu stil biliiv iina Jiizas chrang chrang an ou unu lov Gad tu. Im tel wi se unu eva a tingk bout wi iina som gud wie, an ou unu lang fi si wi jos laik ou wi lang fi si unu.

1 Tesaluoniyan 4:1

Nou, breda an sista, fi don wa wi did a se bifuo: wi did don tiich unu aredi ou fi liv so Gad wi api wid unu (an wi nuo se a so unu a liv). Bot, wi a aks unu, an a beg unu iina di Laad Jiizas niem fi liv so muo an muo.

1 Timoti 1:11

an we lain op wid di Gud Nyuuz bout wa Gad du fi wi wen im sen im Bwai Pikni fi siev wi. A da siem powaful Gud Nyuuz ya, Gad, di wan we piipl fi priez, se mi fi tiich.

1 Timoti 1:19

an gwaan biliiv iina Jiizas Krais no mata wa an du we yu nuo iina yu aat rait. Kaaz som piipl ton dem bak pan wa dem nuo iina dem aat rait, an mash op dem fiet iina Gad.

2 Timoti 4:7

Mi wok aad fi Gad; mi fait fi wa mi biliiv iina. Mi priich Gad wod an du aal a wa Gad tel mi fi du; mi ron da ries ya til it don an no gi op. Mi a-go sorv im til mi ded.

Taitos 2:10

ar tiif fram dem. Dem fi anis an shuo di piipl dem se dem kyan chos dem. Wen dem du dis, piipl wi luk pan dem an rispek wa wi tiich bout wi sievya Faada Gad.

Failiiman 1:5

kaaz mi ier bout ou yu chos iina di Laad Jiizas an ou yu lov aal a Gad piipl.

Jiemz 3:18

Jos laik ou wen wan faama plaant gud siid im riip gud krap, a siem so di wan dem we du wa gud an liv iina piis wi mek ada piipl du wa gud an liv iina piis tu. An dat wi kaaz evribadi fi liv gud wid dem wan aneda tu.

2 Piita 3:11

Sins evriting a-go mash op so, a wa kain-a piipl unu fi bi, iihn? Unu fi liv unu laif fi Gad. Unu fi liv kliin kliin laif

2 Piita 3:14

So fren, wail unu a wiet pan dis, unu fi mek shuor se unu liv rait, an no mek Gad fain no faalt wid unu.

Juud 1:3

Mi breda an sista, mi did a du evriting fi rait unu bout di nyuu laif we Gad gi aal a wi kaaz wi an Jiizas Krais a wan. Bot mi afi rait an tel unu fi tan op chrang an fait fi di sitn dem we Gad piipl get, an we wi biliiv iina. Wi get dem wan taim fi aal a Gad piipl an dem kyaahn chienj.